تاۋەلسىزدىك كۇنىنە وراي ورال قالاسىندا 400 ورىندىق سۋ جاڭا مەكتەپ اشىلدى. ءبىلىم ورداسىنىڭ اشىلۋ سالتاناتىنا وبلىس اكىمى ناريمان تورەعاليەۆ ارنايى باردى, دەپ حابارلايدى Egemen.kz.
«بۇگىن ءبىز ورال قالاسى ءۇشىن ەرەكشە ماڭىزدى وقيعا ۇستىندە باس قوسىپ وتىرمىز. وسىنداي تاماشا مەكتەپتىڭ سالىنۋى – ءبىلىم سالاسىنداعى قول جەتكەن جەتىستىك قانا ەمەس, مەملەكەت باسشىسىنىڭ تاپسىرمالارى وڭىردە جۇزەگە اسىپ جاتقانىن كورسەتەدى. وسى مەكتەپ قابىرعاسىندا ءبىزدىڭ بالالارىمىز ءبىلىم نارىمەن سۋسىنداپ, جاڭا ادام بولىپ قالىپتاسادى. ساپالى ءبىلىم, سانالى تاربيە – ەل دامۋىنىڭ كەپىلى. ۇرپاقتىڭ زاماناۋي ءبىلىم الۋى – ءبىز ءۇشىن باستى قاعيدا. سوڭعى ەكى جىل ىشىندە عانا ءبىزدىڭ وبلىستا 22 مەكتەپ جاڭادان بوي كوتەردى. كەلەر وقۋ جىلىنا دەيىن ءبىز ورال قالاسىنداعى №8 مەكتەپتىڭ عيماراتىن دا جاڭادان سالىپ بىتىرەمىز», دەدى ءوز سوزىندە ناريمان تورەعالي ۇلى.
ورال قالاسىنداعى №31 مەكتەپتىڭ سۋ جاڭا عيماراتى ءتورت قاباتتى, 3 بلوكتان تۇرادى. كىرىپ-شىعۋ ەسىكتەرىنە تۋرنيكەت قويىلعان. عيماراتتاعى 47 كامەرادان تۇراتىن بەينەباقىلاۋ جۇيەسى, دىبىستىق حابارلاۋ جانە باسقا دا كۇشەيتىلگەن قاۋىپسىزدىك شارالارى بالالار ءۇشىن جاسالعان. وقۋشىلار وقۋ قۇرالدارىن, اۋىستىراتىن كيىمدەرىن قوياتىن جەكە شكافپەن قامتىلعان. سونداي-اق بالالاردىڭ كىتاپ وقيتىن, شىعارماشىلىق قابىلەتىن ۇشتايتىن, دەمالاتىن بولمەلەرى – سپورت زالى, ءماجىلىس زالى, كىتاپحانا, اسحانا, مەدبيكە بولمەسى: «تاماقتانۋ مادەنيەتى», ء«ۇي مادەنيەتى», «ديزاين جانە تەحنولوگيا» اتتى ءۇش شەبەرحانا بولمەسى, فيزيكا, حيميا, بيولوگيا, STEM شەبەرحاناسى ت.ب. 36 كابينەتى بار.
جاڭا مەكتەپتە ەرەكشە بالالاردىڭ كەدەرگىسىز ءجۇرىپ-تۇرۋى ءۇشىن پاندۋس, ليفت, ارنايى دارەتحانا جانە ينكليۋزيۆتى ءبىلىم بەرۋ كابينەتى جاساقتالعان. سونداي-اق مەكتەپ اۋماعىندا فۋتبول, باسكەتبول, ۆولەيبول جانە ت.ب. سپورتتىق شارالارعا ارنالعان الاڭدار جاسالعان.