بۋرابايدىڭ اسەم تابيعاتىنىڭ اياسىندا ورنالاسقان “بايبۋرا” قوناق ءۇي كەشەنىندە بۇقارالىق اقپارات قۇرالدارى ءۇشىن استانالىق جۋرناليستەردىڭ “تانات” كلۋبى مەن ء“MEDىALىFE” قوعامدىق قورى “باق-تاردا دەموكراتيالىق ۇدەرىستەردى جاريا ەتۋدىڭ حالىقارالىق جانە ۇلتتىق تاجىريبەسى” اتتى رەسپۋبليكالىق سەمينار-ترەنينگ ۇيىمداستىردى.
جۋرناليستەر كۇنى قارساڭىندا ءارى “قازاقستان – 2010 جىلى ەقىۇ توراعاسى” بايقاۋى شەڭبەرىندەگى شارانىڭ وتۋىنە سىرتقى ىستەر مينيسترلىگى, ەقىۇ-نىڭ استاناداعى ورتالىعى جانە ف.ەبەرت قورى وكىلدىگى مۇرىندىق بولدى. ء“MEDىALىFE” قوعامدىق قورىنىڭ پرەزيدەنتى ولگا ۆولكوۆا, سىرتقى ىستەر مينيسترلىگىنىڭ حالىقارالىق اقپارات كوميتەتىنىڭ ءتوراعاسى رومان ۆاسيلەنكو, ەقىۇ-نىڭ استاناداعى ورتالىعىنىڭ باسشىسى, ەلشى الەكساندر كەلچەۆسكي, ليتۆا ەلشىلىگىنىڭ استاناداعى ءبولىمىنىڭ باستىعى انتاناس پياتراۋسكاس جانە باسقالار بىرقاتار قۇندى ويلارىن ورتاعا سالدى.
سونداي-اق سەمينار-ترەنينگ بارىسىندا ءسوز بوستاندىعىنىڭ ءولشەمى, فاكت مەن پىكىردىڭ اراسالماعى قانشالىقتى دەگەن تۇرعىدا پىكىرتالاستار بولىپ ءوتتى. مىسالى, “جارايسىڭ, ايلاكەر!”, “قىراعى كوز مىرزا” جانە سول سياقتى سوزدەردىڭ ادامنىڭ ار-نامىسىن قورلاۋعا نەمەسە سيپاتىن بەرۋگە باعىتتالعاندىعى زەردەلەندى. ول ءۇشىن ارنايى تۇسىرىلگەن بەينەفيلم دە كورسەتىلدى. جۋرناليست اتى-ءجونىن وزگەرتىپ ماقالا جازا الا ما نەمەسە ءوزىنىڭ دەرەك كوزىن اشىپ كورسەتۋگە مىندەتتى مە دەگەن تۇرعىدا دا وي ءوربىتىلدى.
وسى رەتتە ولگا ۆولكوۆا “ەگەر ايىپتاۋشى ميلليونداعان سوماعا ارىز-تالاپ جازسا, وندا ول سول سۇراعانىنىڭ بەلگىلى ءبىر پايىزىن بيۋدجەتكە تولەۋى ءتيىس” دەگەن وي ايتتى. سوندا عانا ارىز يەسى سوت پروتسەسىندە جەڭىلگەن جاعدايدا قۇيعان قارجىسىنان ايرىلادى. كەلەسىدە سوتقا بەرگەن كەزىندە ويلانا باستايدى. ال قازىرگى جاعدايدا 600 تەڭگە تولەپ, ميلليونداعان تەڭگەلىك ارىز-تالاپ جازۋشىلار قاتارى ازايماي وتىر.
وسىلايشا ەكى كۇنگە سوزىلعان تاعىلىمى مول سەمينار-ترەنينگ وتاندىق بۇقارالىق اقپارات قۇرالدارى وكىلدەرىن تاعى ءبىر ساتىعا كوتەردى. جۋرناليستيكانىڭ قىر-سىرىن مەڭگەرە تۇسكەن ولارعا ارنايى سەرتيفيكات تابىس ەتىلدى.
اسقار تۇراپباي ۇلى.