اباي وبلىسىندا زاڭسىز تۇردە التىن وندىرۋمەن اينالىسقان توپ ۇستالدى, دەپ حابارلايدى Egemen.kz.
وبلىستىق پوليتسيا قىزمەتكەرلەرى قر ءىىم ارنايى بولىمشەسىنىڭ كومەگىمەن جارما اۋدانىنداعى شاحتا اۋماعىنان قۇرامىندا التىنى بار كەندى ۇرلاۋعا ارەكەت جاساعان توپتى توقتاتتى.
جەدەل-ىزدەستىرۋ شارالارى بارىسىندا پوليتسيا قىزمەتكەرلەرى قىلمىستىق توپتىڭ ىزىنە ءتۇسىپ, ءتورت ەر ادامدى ۇستادى. ولاردىڭ جانىنان مەتالل ىزدەگىشتەر, رەسپيراتورلار, كەن تاسۋعا ارنالعان قاپتار جانە شامامەن قۇرامىندا 3 كەلى التىنى بار كەن تابىلىپ, تاركىلەندى.
كەلتىرىلگەن جالپى شىعىن 3 ميلليون تەڭگەدەن استى. اسا ءىرى كولەمدەگى ۇرلىق فاكتىسى بويىنشا سوتقا دەيىنگى تەرگەۋ باستالدى. قر قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.