بۇگىن مەملەكەتتىك قىزمەت ىستەرى اگەنتتىگىندە باق مەن مەديا سالاسىنىڭ وكىلدەرى ءۇشىن ءباسپاسوز تۋرى ۇيىمداستىرىلدى. وعان 50-گە جۋىق قازاق كوركەمسوزىنىڭ كوريفەيلەرى, ەلەكتروندى جانە باسپا باق, تەلەارنالار مەن مەديا وكىلدەرى قاتىستى, دەپ حابارلايدى Egemen.kz.
كەزدەسۋ بارىسىندا دارحان جازىقباي قاتىسۋشىلارعا مەملەكەتتىك قىزمەتشىلەردىڭ قاجەتتى داعدىلارى مەن قۇزىرەتتەرىن جەتىلدىرۋ ءۇشىن بارلىق جاعدايلار جاسالعانىنا توقتالىپ, مەملەكەتتىك قىزمەتكە كىرۋدى جەڭىلدەتۋ جانە كاسىبي مامانداردى تارتۋ ماقساتىندا ەنگىزىلگەن زاڭنامالىق باستامالاردى جۇزەگە اسىرۋدىڭ تيىمدىلىگى تۋرالى ايتتى.
ول مەملەكەتتىك قىزمەتشىلەردىڭ قوعام الدىنداعى جاۋاپكەرشىلىگىن جانە وسىعان بايلانىستى ولاردىڭ ادەپتىلىك مىنەز-ق ۇلىقتىڭ جوعارى ستاندارتتارىن ساقتاۋى, كوممۋنيكاتسيالىق داعدىلارىن ۇنەمى دامىتۋى ماڭىزدى ەكەنىنە ەرەكشە نازار اۋداردى.
«مەملەكەت باسشىسى بيىلعى جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن ۇسىنعالى قوعام مەن بيلىك قۇرىلىمدارى اراسىنداعى قارىم-قاتىناس مادەنيەتىن وزگەرگەنىن اتاپ ءوتتى. مەملەكەت پەن قوعام اراسىنداعى ديالوگتىڭ ساپاسىن ودان ءارى ارتتىرا ءتۇسۋ ءۇشىن ادال ءارى ءادىل بولۋىمىز, تەك زاڭ اياسىندا ارەكەت ەتۋىمىز, بەرگەن ۋادەمىز بەن ءىسىمىز ءۇشىن جاۋاپ بەرە ءبىلۋىمىز كەرەك ەكەنىن العا قويدى. بۇل ايتىلعان مىندەتتەر مەملەكەتتىك قىزمەتشىلەردىڭ رۋحاني-ادامگەرشىلىك الەۋەتىن جەتىلدىرۋدى جانە ادامي قۇندىلىقتارعا باستايتىن «ادىلەتتى قازاقستان – ادال ازامات» يدەياسىن ولاردىڭ ساناسىنا ورنىقتىرۋدى تالاپ ەتەدى», دەدى اگەنتتىك توراعاسى.
دارحان جازىقباي مەملەكەتتىك قىزمەتتىڭ گيبريدتى مودەلى نەگىزىندە مەملەكەتتىك اپپاراتتى كاسىبيلەندىرۋ, پەرسونالدى بەيىمدەۋ, تۇراقتاندىرۋ جانە ىنتالاندىرۋ بويىنشا HR-پروتسەستەردى جەتىلدىرۋ, سەرۆيستىك جانە ادامعا باعدارلانۋ قاعيداتتارىن ىلگەرىلەتۋگە باعىتتالعان جوسپارلارمەن ءبولىستى. بۇل شارالار مەملەكەتتىك قىزمەتتى دامىتۋدىڭ 2024-2029 جىلدارعا ارنالعان جاڭا تۇجىرىمداماسىندا جوسپارلانعان جانە اگەنتتىك ولاردى ىسكە اسىرۋ بويىنشا بەلسەندى جۇمىس جۇرگىزۋدە.
سونداي-اق اگەنتتىك وكىلدەرى مەملەكەتتىك قىزمەتكە ىرىكتەۋ جانە ونى وتكەرۋ, مەملەكەتتىك كورسەتىلەتىن قىزمەتتەر ساپاسىن ارتتىرۋ, مەملەكەتتىك اپپارات قىزمەتىن بيۋروكراتيادان ارىلتۋ سالاسىنداعى نەگىزگى جەتىستىكتەرى تۋرالى اقپارات ۇسىندى.
ءباسپاسوز تۋرى بارىسىندا مەملەكەتتىك قىزمەتكە ونلاين ىرىكتەۋدى جۇرگىزۋگە مۇمكىندىك بەرەتىن «eQyzmet» سىرتقى پورتالىنىڭ جۇمىسى تانىستىرىلدى. سونداي-اق اتالعان جۇيەدە مەملەكەتتىك قىزمەتشىلەردىڭ ۇلكەن دەرەكتەر بازاسى شوعىرلانعان, ال تسيفرلىق تەحنولوگيالاردى قولدانۋ بەرىلگەن پارامەترلەر بويىنشا ء(بىلىم, داعدىلار, قۇزىرەتتەر جانە وزگە دە دەرەكتەر) قاتارداعى مەملەكەتتىك قىزمەتشىلەر اراسىندا قانداي دا ءبىر لاۋازىمعا نەعۇرلىم cايكەس كەلەتىن كانديداتتاردى تاڭداۋعا مۇمكىندىك بەرەدى.
ءىس-شاراعا قاتىسۋشىلار مەملەكەتتىك قىزمەتشىلەردىڭ كوممۋنيكاتيۆتىك داعدىلارىن جەتىلدىرۋگە ارنالعان مەديا-ورتالىق, اگەنتتىك پەن پرەزيدەنت جانىنداعى مەملەكەتتىك باسقارۋ اكادەمياسىنىڭ تاريحي مۇراجايى, تسيفرلىق كوۆوركينگ-زالى, كىتاپحانا جۇمىسىمەن تانىستى.
سونىمەن قاتار, «جاڭا فورماتسيا باسشىسى» مەملەكەتتىك ساياسي قىزمەتشىلەرگە ارنالعان كۋرستاردا وقۋدىڭ قالاي وتكىزىلەتىندىگىن كوردى. جاڭا فورماتسيا باسشىلارى ءۇشىن ادىلدىك, اشىقتىق, مەملەكەتشىلدىك جانە حالىققا ادال قىزمەت ەتۋ قاعيداتتارىن ساقتاۋدىڭ ماڭىزدىلىعىنا باسىمدىلىق بەرىلەدى. قايتا دايارلاۋ باعدارلاماسىن ىسكە اسىرۋ جاھاندىق پايىمداۋ, ستراتەگيالىق ويلاۋ جانە كوشباسشىلىق سىندى قۇزىرەتتەردى قالىپتاستىرۋعا جانە دامىتۋعا باعىتتالعان.
باق جانە مەديا وكىلدەرى اگەنتتىك توراعاسىنا مەملەكەتتىك قىزمەتتى ودان ءارى دامىتۋعا قاتىستى بىرقاتار سۇراقتار قويىپ, ءوز پىكىرلەرى مەن ۇسىنىستارىن ورتاعا سالدى.
دارحان جازىقباي مەملەكەت باسشىسىنىڭ «ادام مەملەكەت ءۇشىن ەمەس, مەملەكەت ادام ءۇشىن» قاعيداتىن ىسكە اسىرۋدا مەملەكەتتىك ورگانداردىڭ باق وكىلدەرى جانە ازاماتتىق قوعاممەن سىندارلى ديالوگ قۇرۋىنىڭ ماڭىزدىلىعىن اتاپ ءوتىپ, قاتىسۋشىلاردى بەلسەندى ىنتىماقتاستىققا شاقىردى.