ىستانبۇل سوتى فورۋم كەزىندە پرەزيدەنت رەجەپ تايپ ەردوعاننىڭ ءسوزىن بولگەن توعىز ادامدى قاماۋعا الۋدى بۇيىردى. ولار بيلىكتىڭ يزرايلگە قاتىستى ساياساتىنا نارازىلىق بىلدىرگەن, دەپ حابارلايدى Egemen.kz Anka اگەنتتىگىنە سىلتەمە جاساپ.
ايتا كەتەيىك, وتكەن اپتادا تۇركيا پرەزيدەنتى رەجەپ تايپ ەردوعان TRT World مەديا-فورۋمىندا ءسوز سويلەدى. فورۋم بارىسىندا بىرنەشە ادام ونىڭ ءسوزىن ءبولىپ, تۇرىك ۇكىمەتىن يزرايلگە مۇناي ەكسپورتىن توقتاتپاعانى ءۇشىن سىنعا العان. سونداي-اق «گەنوتسيدتى ۋشىقتىرۋدى توقتات» دەپ ۇرانداتقان.
كەيىننەن وسى نارازىلىققا قاتىسقان, سونداي-اق جينالىستار مەن دەمونستراتسيالار تۋرالى زاڭدى بۇزعانى ءۇشىن توعىز ادام ۇستالىپ, قاماۋعا الىنعان.
تۇرىك وپپوزيتسياسى بيلىكتىڭ بۇل شەشىمىن دەموكراتيا مەن ءسوز بوستاندىعى پرينتسيپتەرىنە جاسالعان شابۋىل دەپ باعالاپ, سىنعا العان.