استانادا «يگى ىستەر مارافونى» جوباسى قورىتىندىلانادى

بيىل كوميسسيانىڭ قاراۋىنا 15 باعىت بويىنشا 118 ءوتىنىم ءتۇستى. مۇقيات ىرىكتەۋدىڭ ناتيجەسىندە 47 ۇمىتكەر جەڭىمپاز اتاندى. ولاردىڭ جوبالارى مەن باستامالارى ۆولونتەرلىك قىزمەت سالاسىنداعى جانقيارلىق پەن تيىمدىلىكتىڭ ۇلگىسى بولدى.

«جىل ۆولونتەرى» حالىقارالىق سىيلىعى مەملەكەت باسشىسىنىڭ باستاماسىمەن 2020 جىلدان باستاپ جىل سايىن وتكىزىلىپ كەلەدى. بۇل سىيلىق قوعامدىق پايدالى باستامالاردى دامىتۋعا ەلەۋلى ۇلەس قوسقان ۆولونتەرلەردى ىنتالاندىرۋعا جانە ۆولونتەرلىك قوزعالىسقا جاڭا قاتىسۋشىلاردى تارتۋعا باعىتتالعان.

سونداي-اق 5 جەلتوقسان – حالىقارالىق ۆولونتەرلەر كۇنىن مەرەكەلەۋ اياسىندا قازاقستان حالقى اراسىندا ۆولونتەرلىك جانە قايىرىمدىلىق مادەنيەتىن دامىتۋعا باعىتتالعان «يگى ىستەر مارافونى» جوباسىنىڭ جەڭىمپازدارىن ماراپاتتاۋ ءراسىمى وتەدى.«يگى ىستەر مارافونى» جوباسى 2024 جىلدىڭ 9 شىلدەسىنەن 1 جەلتوقسانىنا دەيىن ەلىمىزدى قامتىپ, بىرىكتىرىلگەن كۇشتەردىڭ جىگەرىن كورسەتە وتىرىپ, ۇلگى بولارلىقتاي وقيعاعا اينالدى. مارافون بارىسىندا 7000-نان استام يگى ءىس جاسالدى, ال ونىڭ قاتىسۋشىلارىنىڭ سانى 50 000 ادامعا جۋىقتادى.

جوبا بەس اپتادان تۇراتىن يگى ىستەردى قامتىدى:

«ەكولوگيا» باعىتىنداعى مەيىرىم اپتالىعى; جاستار كۇنىنە ارنالعان مەيىرىم اپتالىعى; قارتتار كۇنىنە ارنالعان مەيىرىم اپتالىعى; جانۋارلاردى قورعاۋعا ارنالعان مەيىرىم اپتالىعى; «ينكليۋزيا» باعىتىنداعى مەيىرىم اپتالىعى.

يگى ىستەر اياسىندا جاسالعان ۆولونتەرلىك جانە قايىرىمدىلىق ءىس-شارالار:

3200 جۋىق اعاش وتىرعىزىلدى; 240 توننا قوقىس, پلاستيكا, ماكالاتۋرا جينالدى; 6000 وتباسىلارعا, مۇگەدەكتىگى بار ازاماتتارعا, جالعىزباستى قارتتارعا ازىق-ت ۇلىك, تۇرمىستىق حيميا, ءدارى-دارمەك بويىنشا كومەك كورسەتىلىپ, اۋلادا تازالىقجۇمىستارى, تۇرمىستىق كومەك جانە وتىن جارۋ جۇمىستارى جۇرگىزىلدى; 1000-نان اسا ءۇيسىز قالعان جانۋارلارعا كومەك كورسەتىلدى.

«يگى ىستەر مارافونى» جوباسى اياسىندا بيىل 5 ارنايى نوميناتسيا قاراستىرىلعان, ولار: «ەڭ مەيىرىمدى ايماق», «ەڭ مەيىرىمدى ۇجىم», «ەڭ مەيىرىمدى وقۋ ورنى», «ەڭ مەيىرىمدى اۋىل», «ەڭ بەلسەندى مەديا».

سالتاناتتى ماراپاتتاۋ ءراسىمى 2024 جىلعى 5 جەلتوقسان كۇنى ساعات 10:00-دە حالىقارالىق ۆولونتەرلەر كۇنىنە وراي استانا قالاسىندا, قابانباي باتىر داڭعىلى 3 مەكەنجايىندا ورنالاسقان سالتانات سارايىندا وتەدى.