ۇلتتىق ەكونوميكا مينيسترلىگى ازاماتتاردىڭ بانكتىك اۋدارىمدارىنا قوسىلعان قۇن سالىعىنا سالىق سالۋ تۋرالى اقپاراتتىڭ تارالۋىنا بايلانىستى تۇسىنىكتەمە بەردى, دەپ حابارلايدى Egemen.kz.
– بۇل رەتتە بانكتەر ءوز قىزمەتتەرى ءۇشىن كليەنتتەردەن الاتىن كوميسسيالارعا سالىق سالۋ (ققس) جونىندە ايتىپ وتىرمىز. مىسالى, كارتانى شىعارۋ ءۇشىن نەمەسە اۋدارىمدار ءۇشىن بانك الاتىن كوميسسيالار. جاڭا سالىق كودەكسىنىڭ جوباسىندا ەكىنشى دەڭگەيدەگى بانكتەردىڭ قارجىلىق وپەراتسيالارىنا قولدانىستاعى جەڭىلدىكتى جويۋ جونىندەگى نورما ۇسىنىلادى. ازاماتتار جۇزەگە اسىراتىن اۋدارىمداردىڭ وزىنە سالىق سالىنبايدى. ەگەر, ءبىر بانكتىڭ ىشىندەگى اقشا اۋدارىمدارى كوميسسياسىز جۇزەگە اسىرىلسا, تيىسىنشە مۇنداي جاعدايلاردا سالىق سالىنبايدى, – دەپ ءتۇسىندىردى مينيسترلىك.
ەسكە سالا كەتەيىك, جاڭا سالىق كودەكسىنىڭ جوباسى قازىر تالقىلاۋ ساتىسىندا تۇر. ۇسىنىلعان نورمالار پارلامەنتتە, بيزنەس-قوعامداستىقپەن جانە جۇرتشىلىقپەن تالقىلانۋدا.