تۇركيانىڭ وڭتۇستىگىندەگى انتاليا قالاسىندا 4,8 بالدىق جەر سىلكىنىسى تىركەلدى, دەپ حابارلايدى Egemen.kz.
تابيعاتتىڭ توسىن مىنەز تانىتۋى كەشە تۇندە انكارا ۋاقىتىمەن cاعات 22:13-تە (استانا ۋاقىتىمەن 00:13) انتاليا پروۆينتسياسىندا بولدى.
تۇركيا ۇكىمەتىنىڭ تابيعي اپاتتاردىڭ الدىن الۋ جانە سالدارىن جويۋ باسقارماسىنىڭ (AFAD) حابارلاۋىنشا, جەر سىلكىنىسىنىڭ وشاعى جەرورتا تەڭىزىنىڭ جاعالاۋعا جاقىن ايماعىندا ورنالاسقان. ونىڭ تەرەڭدىگى شامامەن 35 شاقىرىمدى قۇرادى.
قۇربان بولعاندار مەن قيراعان عيماراتتار تۋرالى اقپارات تۇسكەن جوق. جەر سىلكىنىسى كۋرورتتىق ايماقتاردا, اسىرەسە جەراستى دۇمپۋلەرى قاتتى سەزىلگەن جاعالاۋداعى اۋدانداردا جەرگىلىكتى تۇرعىندار مەن قوناقۇي قوناقتارىن الاڭداتتى. بيلىك ازاماتتاردى سابىر ساقتاۋعا جانە رەسمي حابارلامالاردى باقىلاپ وتىرۋعا شاقىردى.
ماماندار جاعدايدى باقىلاۋدا ۇستاپ وتىر, قۇتقارۋشىلار مەن توتەنشە جاعدايلار قىزمەتى ىقتيمال جەر سىلكىنىسى نەمەسە افتەرشوك بولعان جاعدايدا جوعارى دايىندىق جۇمىستارىن جۇرگىزدى.