ۋەفا چەمپيوندار ليگاسىنىڭ ەلي-تالىق كەزەڭى باستالدى. ەلىمىزدىڭ جانكۇيەرلەرى بيىلعى ەل چەمپيونى «سەمەي» مەن ەل كۋبوگىنىڭ يەگەرى «قايراتتىڭ» ويىنىنا باسا نازار اۋداردى.
جۋىردا عانا قۇرىلسا دا, ەلىشىلىك جارىستا ۇزاق جىلدار بويى ەشكىمگە دەس بەرمەي كەلگەن الماتىنىڭ «قايراتىن» تۇعىردان تايدىرعان «سەمەي» ۋەفا چەمپيوندار ليگاسىنداعى تۇساۋكەسەر كەزدەسۋىن يسپانيانىڭ پالما-دە-مايوركا قالاسىندا جەرگىلىكتى «پالماعا» قارسى وتكىزدى. كەيىنگى ەكى ماۋسىمدا قارت قۇرلىقتىڭ ەڭ مارتەبەلى دوپ دوداسىندا قارسىلاس شاق كەلتىرمەگەن پيرەنەي تۇبەگى تۇلەكتەرىنە جەرلەستەرىمىزدىڭ ءالى جەتپەدى. بۇل ماتچ 1:4 ەسەبىمەن اياقتالدى. باسەكە بارىسىندا يگيتا ەسەپ اشقانىمەن, كوپ كەشىكپەي فابينو حەت-تريك جاساسا, ماچادو تاعى ءبىر گول سوقتى. D توبىندا كۇش سىناسىپ جاتقان «سەمەي» ەندى پولشانىڭ «رەكورد», سلوۆاكيانىڭ «لۋچەنەتس» كلۋبتارىمەن كەزدەسەدى.
حورۆاتيانىڭ زاگرەبىندەگى ءتۋرنيردى «قايرات» ءساتتى باستادى. فرانتسيانىڭ «ەتۋال» كلۋبىنا قارسى ويىندى وتە شيراق باستاعان الماتىلىقتار كوزدەگەن ماقساتىنا قول جەتكىزىپ, 4:2 ەسەبىمەن جەڭىسكە جەتتى. ءبىزدىڭ ويىنشىلار اراسىنان دەنەر رودريگو, ەدسون, زانوتتو, كەۆين ارريەتا مەرگەندىك تانىتتى. ۆ توبىنداعى «قايرات» ءوزىنىڭ كەلەسى كەزدەسۋلەرىن حورۆاتيانىڭ قوس ۇجىمى – «ولميسسۋم» مەن «دينامو زاگرەبكە» قارسى وتكىزەدى.
وسى كوماندالار اراسىندا ءوز توبىندا ءبىرىنشى ورىن العاندار عانا جارىستىڭ كەلەسى كەزەڭىنە شىعادى. ال «تورتتىك فينالى» كەلەسى جىلعى مامىردىڭ باسىندا وتەدى.