پرەزيدەنت قاسىم-جومارت توقاەۆ رەسەيدە شىعاتىن «يزۆەستيا» گازەتىنە جاريالانعان ماقالاسىندا كورشى ەلمەن قازاقستاننىڭ مادەني-گۋمانيتارلىق بايلانىستارى تۋرالى باياندادى, دەپ حابارلايدى Egemen.kz.
ەستەرىڭىزگە سالا كەتەيىك, بىلتىر ەلىمىزدە «ورىس ماۋسىمى» دەگەن اتاۋمەن اۋقىمدى ءىس-شارالار ۇيىمداستىرىلعان ەدى. ال بيىل ماسكەۋدە استانانىڭ مادەنيەت كۇندەرى ءوتتى. وسى رەتتە, پرەزيدەنت ونداعى ەڭ نەگىزگى وقيعا رەتىندە «اباي» وپەراسىنىڭ ۇلكەن تەاتردا قويىلعانىن اتاپ ءوتتى.
«سونداي-اق رەسەيدىڭ باستى مۇراجايلارى – ترەتياكوۆ گالەرەياسىندا جانە ەرميتاجدا قازاقستاننىڭ كورمەسى اشىلادى. قازاقستان كومانداسى رەسەيدىڭ قازان قالاسىندا وتكەن «بولاشاق ويىندارىنا» قاتىستى. ال استاناداعى دۇنيەجۇزىلىك كوشپەلىلەر ويىندارىندا رەسەي سپورتشىلارى ونەر كورسەتتى. بۇل – مادەني-گۋمانيتارلىق قارىم-قاتىناستى جاڭا فورماتتا ءوربىتۋ ماڭىزدى ەكەنىنىڭ بەلگىسى», دەپ جازدى قاسىم-جومارت توقاەۆ.
وسى رەتتە مەملەكەت باسشىسى وسى يگى ءداستۇردى جالعاستىرىپ, رەسەي باستاماسىمەن قولعا الىنعان «بولاشاق ويىندارىنىڭ» كەزەكتى سايىسى 2026 جىلى قازاقستاندا ۇيىمداستىرىلاتىنىن جەتكىزدى.