شىمكەنتتەگى پاتەرلەردىڭ بىرىنەن 78 جاستاعى قاريانىڭ ءمايىتى تابىلدى. قايعىلى وقيعا 15 قاراشا كۇنى سپورت شاعىناۋدانىنداعى 5-قاباتتى تۇرعىن ۇيلەردىڭ بىرىندە بولعان, دەپ جازادى Egemen.kz.
توتەنشە جاعدايلار دەپارتامەنتىنىڭ مالىمەتىنشە, زەينەتكەر ءيىسسىز گازعا ۋلانىپ كوز جۇمعان. بۇگىندە پوليتسيا اتالعان جايت بويىنشا قىلمىستىق ءىس قوزعادى.
شىمكەنت قالاسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, اتالعان جايت بويىنشا قر قىلمىستىق كودەكسiنىڭ 306-بابى بويىنشا ءىس قوزعالدى. ءتيىستى ساراپتاما تاعايىندالدى.
وقيعا ورنىندا تاعى 3 ادام بولعان. ولار سول ساتتە اۋرۋحاناعا جەتكىزىلگەن. ناۋقاستاردىڭ ءبىرى ءتىپتى جانساقتاۋ بولىمىنە جاتقىزىلعان.
«قابىلداۋ بولىمىنە 3 ناۋقاس جەتكىزىلدى. اپا جانە 2 نەمەرەسى. اپانىڭ جاعدايى اۋىر بولعان سوڭ رەانيماتسياعا جاتقىزىلعان. كەلەسى كۇنى توكسيكولوگيا بولىمشەسىنە اۋىستىرىلعان. بۇگىن نەمەرەسى مەن ەكەۋىن ۇيىنە شىعاردىق. جاعدايلارى جاقسى», دەيدى دارىگەر-توكسيكولوگ اسىلبەك مىڭبوسىنوۆ.