قازاقستان رەسپۋبليكاسى ۇكىمەتىنىڭ 2024 جىلعى 19 قاراشاداعى «2025 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان تولەنەتىن الەۋمەتتىك تولەمدەردىڭ مولشەرىن ۇلعايتۋ تۋرالى» قاۋلىسى بەكىتىلدى, دەپ حابارلايدى Egemen.kz.
«2025 جىلدىڭ 1 قاڭتارىنان باستاپ وسى كۇنگە دەيىن تاعايىندالعان مۇگەدەكتىگى جانە اسىراۋشىسىنان ايىرىلۋى بويىنشا الەۋمەتتىك جاردەماقى كولەمىن 6,5 پايىزعا ۇلعايتىلسىن», دەلىنگەن قۇجاتتا.
قاۋلى 2025 جىلعى 1 قاڭتاردان باستاپ كۇشىنە ەنەدى.
ەستەرىڭىزگە سالا كەتەيىك, الەۋمەتتىك كودەكسكە سايكەس, قازاقستان رەسپۋبليكاسىنىڭ ۇكىمەتى مۇگەدەكتىك جانە اسىراۋشىسىنان ايىرىلعان جاعدايدا تولەنەتىن تولەمدەردىڭ كولەمىن جىل سايىن ارتتىرىپ وتىرادى.