جامبىل وبلىستىق امبەباپ عىلىمي كىتاپحاناسىندا «كاسىپ – يگەرگەندىكى, جۇمىس – ەڭبەكتەنگەندىكى» جوباسى اياسىندا «ىشكى ىستەر ورگاندارى – ەلىمىزدە ەڭ ءىرى ءارى كوپ سالالى قۇقىق قورعاۋ قۇرىلىمى» اتتى قۇقىقتانۋ ساعاتى ءوتتى, دەپ حابارلايدى Egemen.kz.
ءىس-شاراعا وڭىردەگى اۋعان سوعىسى ارداگەرلەرى مەن مۇگەدەكتەر وداعىنىڭ توراعاسى, «قۇرمەت» وردەنىڭ يەگەرى, قوعام بەلسەندىسى دۇكەنباي ەرمەكوۆ, ىشكى ىستەر ورگاندارىنىڭ ارداگەرى, قازىرگى ۋاقىتتا «التايس» كومپانياسىنىڭ قاۋىپسىزدىك قىزمەتىنىڭ باسشىسى مۇحتار كەرپىكوۆ, ىشكى ىستەر مينيسترلىگىنە قاراستى وبلىستىق «مامانداندىرىلعان كۇزەت قىزمەتى باسقارماسى» مەملەكەتتىك مەكەمەسىنىڭ 1-ءشى پوليتسيا باتالونى كومانديرىنىڭ ورىنباسارى, پوليتسيا مايورى مالىك تاۋكەباەۆ, قىزمەتتىك جاۋىنگەرلىك جانە دەنە شىنىقتىرۋ دايارلىعى جونىندەگى اعا ينسپەكتورى, پوليتسيا كاپيتانى بوگەنباي امانبەكوۆ, جەرگىلىكتى پوليتسيا قىزمەتى يۋۆەنالدىق پوليتسيا توبىنىڭ ۋچاسكەلىك پوليتسيا ينسپەكتورى رۇستەم جارىلقاپوۆ, پوليتسيا اعا لەيتەنانتى نۇرادىل بايمامىروۆ, 81067 اسكەري ءبولىمىنىڭ كىشى سەرجانتى ايدانا ايتقۇلوۆا جانە باسقا دا مامانداندىرىلعان كۇزەت قىزمەتى باسقارماسىنىڭ قىزمەتكەرلەرى قاتىستى.
«قۇقىقتانۋ ساعاتىنا قاتىسۋشىلار وتان قاۋىپسىزدىگىن ساقتاۋدى, ازاماتتاردىڭ قۇقىقتارى مەن بوستاندىقتارىن قورعاۋدى قامتاماسىز ەتۋ تۋرالى پاتريوتتىق اڭگىمە ءوربىتىپ, ادىلەتتى قازاقستاندى قالىپتاستىرۋ بارىسىندا جاسالاتىن يگى قادامدار تۋرالى ءوز ويلارىن ورتاعا سالدى», دەيدى كىتاپحانا قىزمەتكەرلەرى.