وسكەمەندە گاگارين بۋلۆارىنداعى بەس قاباتتى ءۇيدىڭ ءبىرىنشى قاباتىنداعى پاتەردە ءورت شىقتى, دەپ حابارلايدى Egemen.kz قر تجم ءباسپاسوز قىزمەتىنە سىلتەمە جاساپ.
توتەنشە جاعدايلار قىزمەتكەرلەرى ءورت شىققان ۇيدەن 21 ادامدى, ونىڭ ىشىندە ءتورت بالانى قاۋىپسىز جەرگە ەۆاكۋاتسيالادى. قۇتقارۋشىلار ارنايى رەسپيراتورلىق كاپيۋشونداردى قولدانۋ ارقىلى التى ادامدى, سونىڭ ىشىندە ءۇش بالانى قۇتقاردى.
ء«ورت 20 شارشى مەتر اۋماقتى قامتىدى. توتەنشە جاعداي قىزمەتكەرلەرى ونى جەدەل تۇردە ءسوندىرىپ, اپاتتىڭ ءارى قاراي ورشۋىنە جول بەرمەدى. زارداپ شەككەندەر تىركەلمەگەن», دەپ جازىلعان حابارلامادا.
قۇتقارۋشىلار تۇرعىندارعا ساقتىق شارالارىن ەسكەرتۋ قاجەتتىگىن اتاپ ءوتتى.