پاۆلودار وبلىسىنداعى اتامەكەن – رۋسسكايا پوليانا اۆتوجولىندا ەكى كولىك سوقتىعىسىپ, جاڭا تۋعان نارەستە كوز جۇمدى, دەپ حابارلايدى Egemen.kz.
پاۆلودار وبلىستىق پد ءباسپاسوز قىزمەتىنىڭ مالىمەتىنشە, اقسۋ ءوڭىرىنىڭ رەبروۆ اۋىلىنىڭ ماڭىنداعى اتامەكەن – رۋسسكايا پوليانا اۆتوجولىندا «لادا گرانتا» جانە «بمۆ» ماركالى كولىكتەر سوقتىعىسقان.
«جول-كولىك وقيعاسى سالدارىنان لادا اۆتوكولىگىندە بولعان ءسابي كوز جۇمدى. بالا جاقىندا عانا دۇنيەگە كەلگەن, قىرقىنان دا شىعىپ ۇلگەرمەگەن. ەكى كولىكتىڭ دە جۇرگىزۋشىلەرى زارداپ شەككەن, ولار اۋرۋحاناعا جەتكىزىلدى. وقيعا ورنىندا پوليتسيا قىزمەتكەرلەرى جۇمىس ىستەپ جاتىر. وقيعانىڭ ءمان-جايى مەن سەبەپتەرى انىقتالىپ جاتىر», دەلىنگەن پد حابارلاماسىندا.