تۇركيانىڭ باتىسىنداعى يزمير پروۆينتسياسىنىڭ سەلچۋك ۋەزىندە جەكە ۇيدە بولعان ورتتەن ءبىر وتباسىنىڭ بەس بالاسى قازا تاپتى, دەپ حابارلايدى Egemen.kz Habertürk تەلەارناسىنا سىلتەمە جاساپ.
حابارلانعانداي, جەكە ۇيدەگى ەلەكترلى پەشتەن اقاۋ شىعىپ, سوڭى ورتكە ۇلاسقان. سالدارىنان اتا-اناسىنىڭ قاراۋىنسىز قالعان ءبىر جاستان بەس جاسقا دەيىنگى بۇلدىرشىندەر قايتىس بولعان.
وقيعا ورنىنا كەلگەن ءورت سوندىرۋشىلەر مەن دارىگەرلەر ءبىر بولمەدەن ءۇش بالانىڭ دەنەسىن تاپقان, ولار كومىرقىشقىل گازىنان ۋلانىپ قايتىس بولعان. ال قالعان ەكەۋى بىردەي بەلگىلەرمەن اۋرۋحاناعا جاتقىزىلعان, بىراق دارىگەرلەر ولاردى امان الىپ قالا الماعان.
قازا تاپقان بۇلدىرشىندەردىڭ ەڭ كىشىسى ءبىر جاستا, ۇلكەنى بەستە.