عالام عاجاپتارى: جىلدام كولىك

بۇل تەحنيكا اقش-تىڭ ءتارتىپ ساق­شىلارىنا ارناپ جاسالعان. «Tesla Model S Plaid» اتتى ەلەكتر كولىگى جىلدامدىقتى 2 سەكۋند ىشىندە ساعاتىنا 100 شاقىرىمعا دەيىن ارتتىرا الادى. ەڭ جوعارى كور­سەتكىشى – ساعاتىنا 322 شاقىرىم. جاقىندا ءونىمنىڭ العاشقى نۇسقاسى لوس-اندجەلەس وكرۋگىنە جەتكىزىلەدى.

قۇپيا جول

عالىمدار تىنىق مۇحيتىنىڭ تۇبىنەن كىرپىشتەن قالانعان جول تاپتى.

گاۆاي ارالدارىنىڭ سولتۇستىگىندە ورنالاسقان تەرەڭ سۋ جوتاسىنا جاسالعان ەكسپەديتسيا كەزىندە ەرەكشە جاڭالىق اشىلدى. ناقتىراق ايتقاندا, مۇحيت تۇبىنەن سارى كىرپىشتەن قالانعان جول تابىلعان. بۇل تاڭعالارلىق كورىنىستى «Nautilus» زەرتتەۋ كەمەسى كەزدەيسوق كەزدەستىرىپتى. «Ocean Exploration Trust» ۇيىمىنىڭ زەرتتەۋشىلەرى 3 000 مەتر­دەن استام تە­رەڭدىكتە ورنالاسقان بۇل ايماقتىڭ قۇ­پياسىن زەرتتەۋگە ءالى دە ۇمتىلىپ جاتىر.

وسىمدىكتەر  ايقايى

وسىمدىكتەر جاراقات العاندا نەمەسە سۋسىز قالعاندا, ادام قۇلاعى ەستىمەيتىن جيىلىكتە دىبىستار شىعارادى.

تەل-اۆيۆ ۋنيۆەرسيتەتىنىڭ بيولوگ-عالىمى ليلاح ءحادانيدىڭ جەتەكشىلىگىمەن جۇرگىزىلگەن بۇل زەرتتەۋ وسىمدىكتەردىڭ دىبىس ارقىلى قورشاعان ورتاعا بەلگى بەرۋ مۇمكىندىگىن العاش رەت دالەلدەپ وتىر. مۇنداي جاڭالىقتىڭ اۋىل شا­رۋا­شىلىعىنا تيگىزەتىن پايداسى زور بولۋى مۇمكىن. ويتكەنى ادامدار وسىم­دىكتەردىڭ «شولدەگەندە» بەلگى بەرگەنىن انىقتاپ, ولاردى جەتكىلىكتى دەڭگەيدە سۋارادى.