اقتوبە وبلىسىندا ورتەنگەن تىكۇشاقتان زارداپ شەككەندەر اقتوبەدەگى ستاتسيونارعا جەتكىزىلدى. بۇل تۋرالى اقتوبە وبلىسىنىڭ دەنساۋلىق ساقتاۋ باسقارماسىنىڭ وكىلدەرى مالىمدەدى, دەپ حابارلايدى Egemen.kz.
ۆەدومستۆو مالىمەتىنشە, زارداپ شەككەندەردىڭ جاعدايى تۇراقتى اۋىر. ناۋقاستار ەسىن بىلەدى, سۇراقتارعا جاۋاپ بەرە الادى.
«اۋىلدا تىكۇشاق قۇلاعانى تۋرالى حابارلاما 103-كە ساعات 11:36-دا ءتۇستى. وقيعا ورنىندا ەكى ناۋقاسقا مارتوك اۋداندىق اۋرۋحاناسىنىڭ جەدەل جاردەم بريگاداسى كومەك كورسەتتى. ءبىر جابىرلەنۋشى 103 كەلگەنگە دەيىن قازا تاپتى», دەپ جازىلعان حابارلامادا.
اقتوبەدە ناۋقاستاردى اۋە ايلاعىندا ەكى جانساقتاۋ بريگاداسى قارسى الدى. ەكى ادام كۇيىك العان. قازىر زارداپ شەككەندەرگە دياگنوستيكا جۇرگىزىلىپ جاتىر.