ەلەنانىڭ جولى بولمادى

ماۋسىم قورىتىن­دىسىندا ۇزدىكتەر ساناتىنا ەنگەن ەلىمىزدىڭ ءبىرىنشى, الەمنىڭ بە­سىنشى راكەتكاسى ەلەنا رى­باكينا «كۇلگىن» توبىندا وينادى. جىلدى جاقسى تا­بىس­پەن باستاعانىمەن, جا­راقات الۋىنا بايلانىستى ءبىراز تۋرنيرگە قاتىسا الماي, ويىن تاجىريبەسىنەن قول ءۇزىپ قال­عان, ونىڭ ۇستىنە بەس جىل بويى جاتتىقتىرىپ كەلگەن باپ­كەرىمەن قوش ايتىسقان ەلەنا تۇ­ساۋكەسەر كەزدەسۋىندە جاسمين پاولينيگە (يتاليا) 6:7, 4:6 ەسە­بىمەن ەسە جىبەرگەن ەدى. كەلەسى باسەكەدە چجان تسينۆەننەن (قىتاي) ۇتىلدى – 6:7, 6:3, 1:6. سوڭعى سايىستا الەمنىڭ ءبىرىنشى را­كەتكاسى ارينا سوبولەنكوعا (بەلارۋس) سان سوقتىردى – 6:4, 3:6, 6:1. دەگەنمەن بۇل جەڭىس جەرلەسىمىزدىڭ جارتىلاي في­نالعا شىعۋىنا جەتكىلىكسىز بولدى.

«قىزىل سارى» توپتا يگا شۆەنتەك (پولشا), كوري گاۋفف (اقش), دجەسسيكا پەگۋلا (اقش), باربورا كرەيچيكوۆا (چەحيا) شەبەرلىك بايقاستى. توپتىق كەزەڭدە العاشقى ەكى ورىندى يەلەنگەن بۇرىمدىلار ەندى جارتىلاي فينالدا سايىسقا تۇسەدى.

ال ەرلەر اراسىنداعى اتر-ءدىڭ قورىتىندى ءتۋرنيرى 10 قاراشادا باستالادى. ياننيك سين­نەر (يتاليا), الەكساندر زۆەرەۆ (گەرمانيا), كارلوس ال­كاراس (يسپانيا), دانيل مەد­ۆەدەۆ, اندرەي رۋبليوۆ (رەسەي), تەيلور فريتس (اقش), كاس­پەر رۋد (نورۆەگيا), الەكس دە مينور (اۋستراليا) سىندى ساڭلاقتار ءبىر اپتا بويى يتا­ليانىڭ تۋرين قالاسىندا ءوزارا كۇش سىناسىپ, ەڭ مىقتىنى انىق­تايدى.