مۇمكىندىگى شەكتەۋلى جانعا – جايلى جاعداي

وڭ تاجىريبەنى تاراتۋ كەرەك

مۇمكىندىگى شەكتەۋلى جاندار تۋرالى ءتيىستى ۆەدومستۆو باس­شىلارى بايانداما جاسادى. مي­نيسترلەر مۇگەدەكتىگى بار ادامداردى جۇمىسقا ورنالاستىرۋ, مەديتسينالىق كومەك, وقىتۋ, ولارعا كەدەرگىسىز ورتا قۇرۋ ماسەلەلەرىن شەشۋ جولدارى تۋرالى ايتتى. سونداي-اق قوعامدىق ۇيىم وكىلدەرى, بىرقاتار ءوڭىر اكىمى اتقارعان جۇمىستارىمەن تانىستىردى.

ەلدە بارلىعى 732 مىڭ مۇگە­دەكتىگى بار ادام تىركەلگەن. ۇكىمەت ازاماتتاردىڭ وسى ساناتىن قولداۋ جانە كەدەرگىسىز جايلى ورتانى قالىپتاستىرۋ جونىن­دەگى شارالار كەشەنىن ىسكە اسىرىپ جاتىر. ماسەلەن, الەۋمەتتىك كودەكس قابىلداندى, وتباسىلار­دىڭ ءال-اۋقاتىنا تۇراقتى مونيتورينگ پەن تالداۋ جۇرگىزۋگە مۇمكىندىك بەرەتىن وتباسى­نىڭ تسيفرلىق كارتاسى ىسكە قو­سىل­دى. بۇعان قوسا, مۇگەدەكتىكتى رەسىمدەۋ ءتار­تىبى وڭايلاتىلىپ, پرواك­تيۆتى فورماتقا اۋىستىرىلدى, ونى سىرتتاي بەلگىلەۋ ەنگىزىل­دى. الەۋمەتتىك قىزمەت­تەر پورتالىنىڭ جۇمىسى شەڭ­بەرىندە وڭالتۋ ءۇشىن قاجەتتى تەحنيكالىق قۇرالدار مەن راسىمدەردى تاڭداۋ مۇمكىندىگى قولجەتىمدى بولدى.

پرەمەر-مينيستر مۇگە­دەك­تىگى بار ادامداردى مەملە­كەت­تىك قولداۋ جۇيەسى ۇنەمى جەتىلدىرىلىپ وتىراتىنىن اتاپ ءوتتى. وڭىرلەردە وڭالتۋ ورتالىقتارى اشىلىپ جاتىر. بىلتىر اباي, جامبىل جانە تۇركىستان وبلىسىندا وڭالتۋ ورتالىقتارى پايدالانۋعا بەرىلدى. باتىس قازاق­ستان وبلى­سىنداعى ورتا­لىق­­تىڭ قۇرىلىس جۇمىسى جىل سوڭىنا دەيىن اياقتالا­دى. اق­توبە وبلىسىنىڭ اكىمدىگى­نە وڭال­تۋ ورتالىعىنىڭ قۇرى­لىسىن اياقتاۋ ءۇشىن جۇمىس قارقى­نىن كۇشەيتۋ تاپسىرىلدى. وسىنداي ورتالىقتاردى اقمولا, اتىراۋ, جەتىسۋ وبلىس­تارى مەن شىمكەنت قالاسىندا سالۋ جوس­پارلانىپ وتىر.

ينكليۋزيۆتى قالالىق ورتانى قالىپتاستىرۋ ماسەلەسىنە ەرەكشە نازار اۋدارىلدى. بۇ­گىندە ەلدە مۇگەدەكتىگى بار ادام­داردىڭ قاجەتىنە ينفراقۇ­رىلىمنىڭ 45%-ى بەيىمدەلگەن. و.بەكتەنوۆ ناقتى ناتيجەگە جەتۋدە كوزبوياۋشىلىقسىز وسى باعىت­تا ساپالى جۇمىس جۇرگىزۋ ماڭىزدى ەكەنىن ايتتى.

«مەملەكەت باسشىسىنىڭ تاپ­سىرماسى بويىنشا مۇگە­دەكتىگى بار جاندارعا قولاي­لى ءارى جايلى ورتا قالىپتاستىرۋ باعىتىندا جوسپارلى جۇمىس ءجۇرىپ جاتىر. وبەكتىلەردى مۇگەدەكتىگى بار ادامداردىڭ, قارتتاردىڭ ىڭعايىنا قاراي بەيىمدەۋ جۇمىسىن كۇشەيتۋ قاجەت. بۇل, اسىرەسە الەۋمەتتىك نىساندارعا, دارىحانالارعا, ازىق-ت ۇلىك دۇكەندەرى مەن ساۋ­دا ورتالىقتارىنا قاتىستى. ونەر­كاسىپ جانە قۇرىلىس مي­نيسترلىگىنە قۇرىلىستىڭ ساپا­سى مەن جاۋاپكەرشىلىكتى ارتتىرۋ ءۇشىن قولدانىستاعى ستان­دارت­تاردى قايتا قاراۋدى تاپ­سى­­رامىن. نورمالاردىڭ ساق­تا­لۋىن باقىلاۋ قاجەت», دەدى ول.

ۇكىمەت باسشىسى سونداي-اق ينۆاتاكسي ەنگىزۋ ارقىلى مۇگەدەك­تىگى بار ادامداردى تاسىمالداۋ ماسەلەسىن شەشۋگە باسا نازار اۋداردى. قازىر رەسپۋبليكادا وسىنداي 150-گە جۋىق قىزمەت جۇمىس ىستەيدى. اكىمدىكتەردىڭ الدىنا اۆتوموبيل پاركىن ۇلعايتۋعا جاردەمدەسۋ مىندەتى قويىلدى.

مۇگەدەك كىسىگە مۇمكىندىك بەرىلەدى

پرەمەر-مينيستر ەڭبەك مينيسترلىگىنە اكىمدىكتەرمەن جانە بيزنەسپەن بىرلەسىپ مۇگە­دەك­تىگى بار ادامداردى جۇ­مىسقا ورنالاستىرۋ ماسەلە­سىنە ايرىق­شا نازار اۋدارۋدى تاپ­سىردى. قولايلى بوس جۇ­مىس ورىندارىن ىزدەۋدىڭ ىڭعاي­لى­لىعى ءۇشىن ارنايى ەلەكت­رون­دىق ەڭبەك بيرجاسى قۇرىل­دى – مەملەكەت جۇمىس ورىندارىن سۋب­­سيديالايدى. بۇل رەتتە مۇگە­­دەكتىگى بار ەڭبەككە قابىلەت­تى ادامداردىڭ جالپى سانىنىڭ شامامەن 39%-ى جۇمىس تابادى.

دەنساۋلىق ساقتاۋ مينيستر­لىگى مۇگەدەكتىكتىڭ الدىن الۋ ءۇشىن اۋرۋدى ەرتە دياگنوستيكالاۋ جانە ەرتە ارالاسۋ جونىندەگى جۇمىستى جاقسارتىپ, ساپاسىن ارتتىرۋى قاجەت. سونىمەن قاتار مۇمكىن­دىگى شەكتەۋلى بالالارمەن جۇمىس ىستەيتىن پەدا­گوگ­تەردى دايارلاۋدى كۇشەيتۋ ماڭىزعا يە. وعان قاتىستى ءتيىستى مىندەت وقۋ-اعارتۋ جانە عىلىم مينيسترلىكتەرى­نىڭ الدىنا قويىلدى. ۇكىمەت باسشىسى ۇيدە مۇگەدەكتىگى بار بالالار­دى ۇزدىكسىز وڭالتۋ ءۇشىن يننو­ۆاتسيالىق تەحنيكالىق قۇرال­داردى ىرىكتەۋ بويىنشا بىرقا­تار ءوڭىردىڭ تاجىريبەسىن كەڭەي­تۋدى تاپسىردى. قازىر مۇن­داي قىزمەت پاۆلودار, قىزىل­وردا, اباي وبلىستارىندا جانە شىمكەنت قالاسىندا قولجە­تىمدى. سونىمەن قاتار ەلىمىز­دىڭ 14 ۋنيۆەرسيتەتىندە الەۋمەت­تىك قىزمەتكەرلەردى دايارلاۋ جۇمىسى جۇرگىزىلىپ وتىر.

مەديتسينالىق-الەۋمەتتىك سا­­راپتامانىڭ ساپاسىن ودان ءارى ارتتىرۋ ماقساتىندا دەن­ساۋلىق ساقتاۋ مەن ەڭبەكتىڭ اق­پا­راتتىق جۇيەلەرىن تولىق ينتەگراتسيالاۋ قاجەتتىلىگى دە نازاردان تىس قالمادى. وسىعان بايلانىستى بەيىندى مينيسترلىكتەرگە جىل سوڭىنا دەيىن جۇمىستى اياقتاۋ جۇك­تەلدى. جالپى, 2024 جىلدىڭ باسى­نان باستاپ مەملەكەت­تىك ورگان­دارعا مۇگەدەكتىگى بار ادام­­داردان 16 مىڭنان اسا ءوتىنىش ءتۇستى. و.بەكتەنوۆ تۇيتكىل­دى ماسەلە­­لەر­دى شەشۋدە جەكە كوز­قاراس قا­جەت ەكە­نىن, الەۋمەتتىك قىز­مەت­تەر­دىڭ ءوز جۇمىسىن جانداندىرۋى ما­ڭىزدى ەكەنىن ايتتى.

«الەۋمەتتىك ساياساتتىڭ جاڭا ستان­دارتتارىن جاساۋ مەن ىل­گەرى­لەتۋ جۇمىسىن جالعاستىرۋ قاجەت. يننوۆاتسيالىق تەحنولوگيالاردى ازىرلەۋ جانە ولاردى الەۋمەتتىك قامسىزداندىرۋ مەن قورعاۋ جۇيەسىنە ەنگىزۋ – وتە وزەكتى ماسەلە. ونىڭ بارلىعى مەملەكەت باسشىسىنىڭ تاپسىرماسى بويىنشا ازىرلەنىپ جاتقان ينكليۋزيۆتى ساياسات جونىندەگى تۇجىرىمدامادا كورىنىس تابۋعا ءتيىس. بۇل قۇجات جەلتوقسان ايىندا قابىلدانۋى كەرەك. سوندىقتان ەڭبەك مي­نيستر­لىگى تۇجىرىمداما جوباسىن ۇكىمەتكە 15 قاراشاعا قاراي ەنگىزۋى ءتيىس. جالپى, مۇگەدەكتىگى بار ادامداردىڭ تۇرمىس ساپاسىن جاقسارتۋ ماسەلەلەرى ورتالىق جانە جەرگىلىكتى مەملەكەتتىك ورگانداردىڭ ءبىرىنشى باسشىلارىنىڭ تۇراق­تى باقىلاۋىندا بولۋى ءلازىم», دەدى و.بەكتەنوۆ.

زاڭ جوبالاۋ جوسپارى بەكىتىلدى

وتىرىستا ۇكىمەتتىڭ 2025 جىل­عا ارنالعان زاڭ جوبالاۋ جۇ­مىسىنىڭ جوسپارى ماقۇلداندى. جاڭا رەداكتسيادا 6 زاڭ جوباسىن ازىرلەۋ, سون­داي-اق قولدانىستاعى 13 نورما­تيۆتىك-قۇقىقتىق اكتىگە تۇزەتۋ­لەر ەنگىزۋ قاجەت. پرەمەر-مينيستر 19 زاڭ جوباسىنىڭ 12-ءسى مەملەكەت باسشىسىنىڭ تاپسىرمالارىن ىسكە اسىرۋعا باعىتتالعانىنا توقتالدى. ۇكىمەت پەن باسقا دا مەملەكەت­تىك ورگاندار ەكونوميكانىڭ ورنىق­تى دامۋىنا, دەنساۋلىق ساق­تاۋ جۇيەسىن جانە ازاماتتار­دىڭ ءومىر ءسۇرۋ ساپاسىن جاق­سار­تۋعا باعىتتالعان اۋقىمدى زاڭنامالىق باستامالار توپتاماسىن دايىنداۋى ءتيىس.

پرەزيدەنت جولداۋىن ىسكە اسىرۋ شەڭبەرىندە جوس­پار جوباسى قارجى نارىعىن تۇ­­­راق­­­­تى دامىتۋعا, كاسىپ­كەر­لىك سۋبەكتىلەرى مەن ازامات­تار­­دىڭ ەكونوميكالىق بەلسەن­دىلى­گىن ىنتالاندىرۋعا باعىت­تالعان «بانكتەر جانە بانك قىزمەتى تۋرالى» جاڭا زاڭدى ازىر­لەۋدى كوزدەيدى. سونداي-اق سايلاۋ زاڭناماسىن, مەملە­كەت­تىك قىزمەتتى, مىندەتتى مەدي­تسي­نالىق ساقتاندىرۋدى, دەنساۋ­لىق ساقتاۋدى دامىتۋدى, بالاما­لى ەنەرگيا كوزدەرىن, تەلەكوم­مۋنيكاتسيا نارىعىن جانە دە­رەكتەر ورتالىقتارىن جەتىلدى­رۋگە ەرەكشە نازار اۋدارىلدى.

ۇكىمەت مۇشەلەرى ۇسىنعان جوسپار جوباسىن ماقۇلدادى. پرەمەر-مينيستر بيىلعى جوسپارىنىڭ قالعان بارلىق زاڭ جوباسىن پارلامەنتكە ەنگىزۋ جۇمىسىن اياقتاۋدى جانە ساپالى سۇيەمەلدەۋدى قامتاماسىز ەتۋدى تاپسىردى.