«قازاۆتوجول» كومپانياسى كۇن رايىنىڭ بۇزىلۋىنا بايلانىستى جامبىل جانە اقتوبە وبلىستارىنداعى رەسپۋبليكالىق ماڭىزى بار اۆتوجولداردا كولىك قوزعالىسىنا شەكتەۋ ەنگىزىلگەنىن حابارلادى, دەپ جازادى Egemen.kz.
جامبىل وبلىسىنداعى «الماتى-تاشكەنت-تەرمەز» اۆتوجولىنىڭ 535-593 شاقىرىمى ارالىعىندا (ايشا ءبيبى اۋىلىنان تۇركىستان وبلىسىنىڭ شەكاراسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى. حابارلامادا شەكتەۋ 6 قاراشا ساعات 16:00-دەن 7 قاراشا 4:00-گە دەيىن ەنگىزىلگەنى ايتىلعان.
ال اقتوبە وبلىسىنداعى «اقتوبە-اتىراۋ-رف شەكاراسى (استراحانعا)» اۆتوجولىنىڭ 12-250 شاقىرىمى ارالىعىندا (اقتوبە قالاسىنان قاراۋىلكەلدى اۋىلىنا دەيىن) جۇك جانە قوعامدىق كولىكتەردىڭ قوزعالىسىنا شەكتەۋ قويىلدى. وبلىستاعى بۇل كۇرەجولدار ۋچاسكەسى قاشان اشىلاتىنى بەلگىسىز.