قر تجم سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعىنىڭ ديرەكتورى داۋلەت سارسەنباەۆ بۇگىن تاڭەرتەڭ بولعان جەر سىلكىنىسىنە قاتىستى مالىمدەمە جاسادى, دەپ حابارلايدى Egemen.kz.
«جەر سىلكىنىسىنىڭ ەپيتسەنترى الماتى وبلىسىنىڭ اۋماعىندا, تالعار اۋدانىندا بولدى. جەر سىلكىنىسى الماتى قالاسى مەن الماتى وبلىسىنىڭ تۇرعىندارى 3-4 بالل كولەمىندە سەزىلدى. بۇل سەيسميكالىق جاعداي ەلىمىزدىڭ جوعارى سەيسميكالىق اۋماعىندا كۇندەلىكتى بولىپ تۇراتىن تابيعي قۇبىلىس. قۇرمەتتى ازاماتتار, سىزدەردى تەك رەسمي اقپارات كوزدەرىنە سەنۋىڭىزدى سۇرايمىز», دەدى داۋلەت سارسەنباەۆ.
ەستەرىڭىزگە سالا كەتەيىك, 5 قاراشادا استانا ۋاقىتىمەن ساعات 10:01-دە الماتى وبلىسى مەن الماتىدا جەر سىلكىنىسى بولدى. جەر سىلكىنىسىنىڭ وشاعى الماتىدان شىعىسقا قاراي 33 شاقىرىم جەردە ورنالاسقان. الماتىدا جەر استى دۇمپۋلەرى 3 باللعا, تالعاردا 4 باللعا دەيىن سەزىلگەن.