سەمەيدە ورتالىق اۆتوۆوكزالدا «اقشىن» ساۋدا ءۇيىنىڭ مەتالل كونسترۋكتسياسى وپىرىلىپ, اۆتوبۋستاردى باسىپ قالعان, دەپ حابارلايدى Egemen.kz.
پوليتسيانىڭ مالىمەتىنشە, وقيعا بۇگىن ءتۇس كەزىندە بولعان. اپات ورنىنا دەرەۋ پوليتسيا مەن توتەنشە جاعدايلار قىزمەتى جونەلتىلگەن.
«الىنعان اقپارات بويىنشا, «اقشىن» ساۋدا ءۇيىنىڭ شاتىرى اۆتوبۋستاردىڭ ۇستىنە قۇلاعان. سالدارىنان مەتالل كونسترۋكتسياسى 2 اۆتوبۋستى زاقىمداعان. الدىن الا مالىمەت بويىنشا, ازاماتتار اراسىندا زارداپ شەككەندەر جوق. بىراق كولىك پاركى ماتەريالدىق شىعىنعا ۇشىرادى», دەپ حابارلادى اباي وبلىستىق پوليتسيا دەپارتامەنتىنىڭ ءباسپاسوز قىزمەتى.
ايتا كەتەيىك, ءىرى ورتتەن كەيىن ساۋدا ورتالىعىنىڭ عيماراتى اپاتتى جاعدايدا تۇر. سەمەي قالاسىنداعى ەڭ ءىرى كيىم بازارى بيىل 6 اقپانعا قاراعان ءتۇنى ورتەندى. ءورتتى بىردەن اۋىزدىقتاۋ مۇمكىن بولماعان, كەيىن 3-قاباتتىڭ شاتىرى جارتىلاي وپىرىلىپ تۇسكەن.
اتالعان فاكتى بويىنشا قر قىلمىستىق كودەكسىنىڭ 292-بابى ء«ورت قاۋىپسىزدىگى تالاپتارىن ولاردىڭ ساقتالۋىنا جاۋاپتى ادامنىڭ بۇزۋى» بويىنشا تەرگەۋ باستالعانى حابارلاندى.