30 قازاندا «استانا وپەرا» ساحناسىندا الەمگە ايگىلى سكريپكاشى, قازاقستاننىڭ ىزگى نيەتتى ەلشىسى مارات بيسەنعاليەۆتىڭ اۋقىمدى «سيمفونيالىق كونتسەرتى» وتەدى, دەپ حابارلايدى Egemen.kz «استانا وپەرا» تەاترىنىڭ ءباسپاسوز قىزمەتىنە سىلتەمە جاساپ.
كونتسەرت ديريجەرى رەتىندە مارات بيسەنعاليەۆتىڭ ءوزى ونەر كورسەتەدى, سونداي-اق ول سكريپكادا سولو ورىندايدى. باعدارلاماداعى ءاربىر شىعارما حالقىمىزدىڭ مادەنيەتى مەن تۇرمىسىنىڭ بەلگىلى ءبىر اسپەكتىلەرىن بەينەلەيدى. ولاردىڭ قاتارىندا «دالا», «جەلسىز تۇندە جارىق اي», «ايتتىم سالەم, قالامقاس», «قارلىعاش», «دۋداراي» جانە تاعى باسقالارى بار.
مارات بيسەنعاليەۆ – الەمدىك دەڭگەيدەگى كورنەكتى سكريپكاشى. م.بيسەنعاليەۆ كلاسسيكالىق جانە ۇلتتىق رەپەرتۋارعا يننوۆاتسيالىق كوزقاراسىمەن جانە ءوزىنىڭ باتىل ينتەرپرەتاتسيالارىمەن تانىمال.