جەزقازعان قالاسىنداعى «مەتاللۋرگ» ستاديونى وسىدان 60 جىل بۇرىن پايدالانۋعا بەرىلگەن ەدى. وبلىس ورتالىعىنداعى بۇل نىساندى جاڭارتىپ, الەمدىك ستاندارتقا سايكەستەندىرۋ جۇمىستارى رەسپۋبليكا كۇنى قارساڭىندا اياقتالىپ, كوپشىلىكتىڭ كوزقۋانىشىنا اينالدى.
ستاديون فۋتبول فەدەراتسياسىنىڭ «اLAN» جوباسىنىڭ ارقاسىندا, الەمدىك ستاندارتتار تالاپتارىنا سايكەس كەلەتىن دەڭگەيدە جوندەۋدەن ءوتتى. جاڭا الاڭ قالالىق, وبلىستىق, رەسپۋبليكالىق جارىستاردى, پرەمەر-ليگا ويىندارىن جوعارى دەڭگەيدە وتكىزۋگە ارنالعان زاماناۋي جابدىقتارمەن قامتاماسىز ەتىلگەن.
جاڭارعان ستاديوننىڭ اشىلۋ سالتاناتىنا ۇلىتاۋ وبلىسىنىڭ اكىمى د.رىسپەكوۆ, فۋتبول فەدەراتسياسىنىڭ پرەزيدەنتى ءا.بارمەنقۇلوۆ قاتىستى.
«وبلىستىڭ «Ulytau» فۋتبول كلۋبىنىڭ ويىنشىلارى ەندى FIFA-نىڭ بارلىق زاماناۋي ستاندارتىنا سايكەس كەلەتىن فۋتبول الاڭىندا ماتچ وتكىزىپ, جاتتىعۋ جاسايتىن بولادى», دەدى قۇتتىقتاۋ سوزىندە ءوڭىر باسشىسى داستان اداي ۇلى.
جەزقازعان