شىعىس قازاقستان وبلىسىندا بۇقتىرما سۋ قويماسى ارقىلى وتەتىن ەڭ ۇزىن كوپىر حالىق يگىلىگىنە بەرىلگەن سوڭ, العاشقى تاۋلىك ىشىندە كوپىر ۇستىمەن 1,5 مىڭ كولىك ءجۇرىپ وتكەن, دەپ حابارلايدى Egemen.kz.
كولىك مينيسترلىگىنىڭ مالىمەتىنشە نىسان بويىندا 102 كامەرا ورناتىلعان ەكەن. ونىڭ 62-ءسى نىساننىڭ ۇستىڭگى جاعىندا, ال قالعان 40 كامەرا كوپىر استىنداعى اۋماقتا ورناتىلعان.
تاعى ءبىر ايتا كەتەتىن جايت, مۇزدىڭ جىلجۋى كەزىندە كوپىر تىرەكتەرىنە زاقىم كەلتىرمەۋ ءۇشىن نىساندا 40 مۇزكەسكىش قوندىرعى ورناتىلعان.ستراتەگيالىق ماڭىزى بار نىسانداردىڭ قاتارىنا جاتاتىندىقتان كوپىردىڭ ەكى جاعىندا تاۋلىك بويى پوليتسيا بەكەتتەرى جۇمىس ىستەيدى. نىسانعا ۋاقتىلى تەحنيكالىق قىزمەت كورسەتۋ ءۇشىن باقىلاۋ پۋنكتتەرى دە قاراستىرىلعان.كوپىر تاۋلىگىنە 80 مىڭعا دەيىن اۆتوموبيل وتكىزە الادى, وتكەلگە دەيىن 18 شاقىرىم جاڭا جول سالىنعان.