رەسپۋبليكا كۇنىنە وراي «جاستار رۋحى» جاستار قاناتى پىكىرتالاس ءتۋرنيرىن ۇيىمداستىردى. «Amanat» پارتياسىنىڭ «Amanat cup» ءXحIى پىكىرسايىسىنا ەلىمىزدىڭ ءار وڭىرىنەن 120 جاس قاتىستى. ولار الەۋمەتتىك-ساياسي, ەكونوميكا, ەكولوگيا, تسيفرلىق الەۋەت سىندى تاقىرىپتاردى قاۋزاپ, ءوزارا باق سىنادى.
تۋرنير قىزىلوردا قالاسىندا ءۇش نەگىزگى ويىن فورماتىندا ءوتتى. قاتىسۋشىلار 3 ملن تەڭگە كولەمىندەگى جالپى جۇلدە مەن كۋبوككە تالاستى.
ءتۋرنيردىڭ قورىتىندى ويىندارىنا ءمəجىلىس دەپۋتاتتارى سامات نۇرتازا, بولات كەرىمبەك, ماكسيم روجين, جۋرناليست, «ۋəدە» تەلەجوباسىنىڭ اۆتورى ەربولات مۇحامەدجان, قىزىلوردا وبلىسى əكىمىنىڭ ورىنباسارى شاحماردان بايمانوۆ, «Amanat» پارتياسى قىزىلوردا وبلىستىق فيليالىنىڭ توراعاسى الماسبەك ەسماحانوۆ, «جاستار رۋحى» توراعاسى اقەركە يسكاندەروۆا, سونداي-اق جەرگىلىكتى مəسليحات دەپۋتاتتارى مەن قوعام بەلسەندىلەرى قاتىستى.
– تۋرنير ءۇشىنشى جىل قاتارىنان جاستار قاناتىنىڭ سەرىكتەسى يسلام ىنتىماقتاستىعى ۇيىمى جاستار فورۋمىنىڭ ەۋرازيالىق وڭىرلىك ورتالىعىنىڭ قولداۋىمەن ءوتىپ جاتىر. بيىل پىكىرسايىس ۇلتتىق مەرەكەمىز رەسپۋبليكا كۇنى قارساڭىندا ۇيىمداستىرىلدى. ويىندا تالقىعا سالىناتىن قارارلار دا قوعامداعى وتكىر ماسەلەلەرگە بايلانىستى تاڭدالدى. پارتيا مەن جاستار قاناتىنىڭ الاڭىندا ويى ۇشقىر, سوزگە شەشەن جاستاردى جيناپ, ماڭىزدى ماسەلەلەردى كوتەرۋ, شەشۋ جولدارىن تابۋ داستۇرگە اينالعانىنا بىرنەشە جىل بولدى. وسى ەكى كۇن بويى قازاق, ورىس فراكتسيالارى زياتكەرلىكتەرىن شىڭدادى, – دەدى ا.يسكاندەروۆا.
ەكى كۇنگە جالعاسقان ويىن نəتيجەسىندە قازاق ليگاسىندا «Amanat cup» كۋبوگىن يەلەنگەن الماتى قالاسىنىڭ «اقەسپە» فراكتسياسى (مۇحاممەدالى الىمباەۆ, تەمىرلان ەسەنوۆ) – 600 مىڭ تەڭگە, 2-ورىن العان الماتى قالاسى مەن اقتوبە وبلىسىنان قۇرالعان «قورقىت اتا» فراكتسياسى (نۇرحان جاكەن, نۇركەن جاكەن) – 400 مىڭ تەڭگە, ال 3-ورىنداعى الماتى وبلىسىنان «رايىم» فراكتسياسى (قۇبىلا بەيسەنالى, بوتاگوز جاقسىلىق) 200 مىڭ تەڭگەنى قانجىعاسىنا بايلادى.
ورىس ليگاسىندا ءدال وسىنداي جۇلدەلى كۋبوكتى پاۆلودار وبلىسىنىڭ «قوسجار» فراكتسياسى (بەكحان جاقسىلىك, اقىلجان يتەگۋلوۆ), 2-ورىندى استانالىق «قۇمبازار» (مۇحيتجان رولان, بەردالى قۇنانباي), ال 3-ورىندى قىزىلوردا وبلىسىنىڭ «امانگەلدى» فراكتسياسى (ايزەرە بەكجان, ەرداۋلەت تولەباي) يەلەندى.
قورىتىندى سىندا تورەشىلىك ەتكەن ەربولات مۇحامەدجاننىڭ ايتۋىنشا, زياتكەر, سوزگە شەشەن جاستاردىڭ پىكىرىن اشىق بىلدىرۋىنە مۇمكىندىك بەرۋ كەرەك.
– ەرەكشەلىگى سول, دودا جىل سايىن ەلىمىزدىڭ ءار وڭىرىندە وتەدى. بۇل ءار ايماقتا پىكىرسايىستىڭ دامۋىنا سەرپىن بەرەدى. وسىنداي تۋرنير كوپ بولىپ, ودان ءارى ىلگەرىلەتۋگە اتسالىسۋ قاجەت. بولاشاق مىقتى ساياساتكەرلەردى, كادرلاردى قالىپتاستىرۋدا پىكىرسايىستىڭ ماڭىزى زور. سوندىقتان تەك «Amanat» پارتياسى عانا ەمەس, باسقا دا پارتيالار كۇش جۇمىلدىرىپ, ىقپال ەتۋى كەرەك, – دەدى ول.
سونداي-اق جاستار قاناتى əزىرلەگەن «ۇزدىك سپيكەر» اتالىمىنا تەمىرلان ەسەنوۆ پەن جاقسىلىك بەكحان, ال «ۇزدىك تورەشى» اتاعىنا ارحات سارسەنباەۆ پەن ايجان ورىنباسار لايىق دەپ تانىلدى.
– پىكىرسايىس وتە تارتىستى ءوتتى. وسىعان دەيىن وزگە وڭىرلەردە وتكەن تۋرنيرلەرگە قاتىستىم, بيىل, مىنە, كۋبوكتى يەلەنۋ بۇيىردى. جوعارى ۇيىمداستىرۋشىلىق دەڭگەي مەن ءادىل تورەشىلىك ءۇشىن «جاستار رۋحى» جانە ۇلتتىق پىكىرسايىس فەدەراتسياسىنا العىسىمدى بىلدىرەمىن. شىن مىقتىلار ءسوز تالاستىرعان قىزىقتى تۋرنيرگە كۋا بولدىق. سوزگە شەشەن, تاۋەلسىز پىكىرى قالىپتاسقان جاستار قاتارى كوبەيە بەرسىن, – دەدى ت.ەسەنوۆ.