قىزىلوردادا ورتا بۋىن مەديتسينا قىزمەتكەرلەرى اراسىندا دەنساۋلىق ساقتاۋدى جەتىلدىرۋ, سالادا حالىقارالىق تاجىريبەنى ۇشتاستىرۋدى كوزدەگەن عىلىمي كونفەرەنتسيا ءوتتى. كونفەرەنتسيا جۇمىسىنا وبلىس اكىمىنىڭ ءبىرىنشى ورىنباسارى دانيار جانالينوۆ ساتتىلىك تىلەپ, قاتىسۋشىلارعا العىسىن ايتتى. ءىس-شاراعا ارنايى كەلگەن دەنساۋلىق ساقتاۋ مينيسترلىگى عىلىم جانە ادامي رەسۋرستار دەپارتامەنتىنىڭ ديرەكتورى الماگۇل قاۋىشەۆا سالادا اتقارىلعان جۇمىستارعا توقتالدى.
حالىقارالىق كونفەرەنتسيادا ەلiمiزدەگi مەديتسينا كوللەدجدەرىنىڭ وقىتۋشىلارى مەن لاتۆيا, تۇركيا, قىرعىزستان, وزبەكستان ەلدەرiنەن كەلگەن ماماندار بايانداما جاساپ, وزەكتى ماسەلەلەر توڭىرەگىندە پىكىر الىسىپ, تاجىريبە الماستى.
ايماق مەديتسيناسىندا دا ايتا كەتەر جاڭالىقتار از ەمەس. وسى جىلى عاسىرعا جۋىق تاريحى بار قىزىلوردا مەديتسينالىق جوعارى كوللەدجىندە وقۋ-زەرتحانالىق, سيمۋلياتسيالىق كابينەتتەر جاڭعىرتىلىپ, ەمدىك شوپتەر وسىرىلەتىن جىلىجاي اشىلدى. حالىقارالىق ءىس-شارا قوناقتارىنا وبلىستىق دەنساۋلىق ساقتاۋ باسقارماسىنىڭ باسشىسى ولجاس ىسقاقوۆ 30 000-نان استام ورتا بۋىن مەديتسينا ماماندارىن دايارلاعان كوللەدجدەگى ۆيرتۋالدى وقۋ كابينەتى مەن ستۋدەنتتەرگە تاجىريبەلىك ساباق وتكىزۋ ماقساتىندا اشىلعان جىلىجاي جۇمىسىن تانىستىردى. جىلىجايعا ىلە الاتاۋ بوكتەرىنە جەرسىندىرىلگەن شەتەل جانە قازاقستان فلوراسى وسiمدiكتەرىنiڭ 60-تان استام ۇلگىسى اكەلىنسە, 43 ءتۇرى تۇقىمنان سەبىلگەن.
دەنساۋلىق ساقتاۋ سالاسىنا, ونىڭ ىشىندە كادر دايارلاۋ مەن بىلىكتىلىك جەتىلدىرۋ باعىتىنداعى جۇمىسقا جەرگىلىكتى بيۋدجەتتەن بولىنەتىن قارجى جىل سايىن ارتىپ كەلەدى. اتاپ ايتساق, سوڭعى 3 جىلدا مەديتسينا ماماندارىنىڭ ءبىلىمىن جەتىلدىرۋگە وبلىستىق بيۋدجەتتەن 532 ملن تەڭگەدەن استام قارجى ءبولىنىپ, 1 543 قىزمەتكەر ءبىلىم دەڭگەيىن كوتەرگەن. ودان بولەك, وبلىس اكىمىنىڭ گرانتىمەن رەزيندەنتۋرادا 167 مامان ءبىلىم الىپ جاتىر.
بۇل جۇمىستار الداعى ۋاقىتتا دا جالعاسىن تابادى.
قىزىلوردا