30 قىركۇيەك كۇنى تەمىرتاۋداعى «ايگولەك» بالاباقشاسىنىڭ تاربيەشىسى جۇمىسقا ماس كۇيدە كەلگەن, دەپ جازادى Egemen.kz.
ول بالاباقشا تاربيەلەنۋشىلەرىنە اگرەسسيا كورسەتكەن. تاربيەشىنىڭ بۇل كۇيىن قۇپيا قوڭىراۋ شالعان كىسى قۇزىرلى ورگانعا جەتكىزگەن.
بۇل تۋرالى تەمىرتاۋ قالالىق ءبىلىم ءبولىمى حابارلادى.
پوليتسەيلەر تاربيەشىگە مەديتسينالىق تەكسەرۋ تاعايىنداعان. تەكسەرۋ ونىڭ ورتاشا اۋىرلىقتاعى ماس كۇيدە ەكەنىن انىقتاعان.
«قىزمەتتىك تەكسەرۋ قورىتىندىسى بويىنشا تاربيەشى پەداگوگيكالىق ەتيكانى ورەسكەل بۇزعانى ءۇشىن جۇمىستان بوساتىلدى. بالاباقشا ديرەكتورىنىڭ مىندەتىن اتقارۋشى دا قىزمەتىنەن بوساتىلدى», دەلىنگەن تەمىرتاۋ قالالىق ءبىلىم ءبولىمىنىڭ حابارلاماسىندا.
بالاباقشانى تەكسەرۋ بارىسىندا اسحانادان ىشىمدىك تابىلماعان.