فرانتسيا استاناسى پاريج قالاسىندا «قازاقستان كامەراتاسى» كلاسسيكالىق مۋزىكا ءانسامبلى «كوشپەلىلەر اۋەندەرى» باعدارلاماسىن ۇسىندى, دەپ حابارلايدى Egemen.kz مادەنيەت جانە اقپارات مينيسترلىگىنىڭ ءباسپاسوز قىزمەتىنە سىلتەمە جاساپ.
كونتسەرت باگاتەل ساياباعىنداعى جىلىجايدا ۇيىمداستىرىلدى. پاريج جۇرتشىلىعى مۋزىكانتتاردىڭ ورىنداۋشىلىق دەڭگەيىن جوعارى باعالادى.
انسامبل قازاقستاندىق جانە تۇركى كومپوزيتورلارىنىڭ شىعارمالارىن ورىندادى. كونتسەرت باعدارلاماسىندا اباي قۇنانباي ۇلى, قۇرمانعازى ساعىرباي ۇلى, ۆلاديمير ستريگوتسكي-پاك, الماس سەركەباەۆ جانە حابيبۋللا سەتەكوۆتىڭ تۋىندىلارى بولدى.
ءىس-شارانى پاريج بوتانيكالىق باعىنىڭ كۋراتورى مەن پاريج مەرياسى ۇيىمداستىردى. سونىمەن قاتار, باگاتەل بوتانيكالىق باعىنىڭ 10 جىلدىق مەرەيتويىنا وراي بوتانيكا جانە فيتوينترودۋكتسيا ينستيتۋتىندا وسىرىلگەن قازاقستان وسىمدىكتەرىنىڭ ۇلگىلەرى سىيعا تارتىلدى.