جاڭا نىسان تاسشاعىل جانە جاسقايرات اۋىلدارىندا ورنالاسقان. وبلىس اكىمى سەرىك شاپكەنوۆ سپورت كەشەندەرىنىڭ اشىلۋ سالتاناتىنا قاتىسىپ, اۋىل تۇرعىندارىن قۇتتىقتادى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
«بۇل - قۇرىلعانىنا 80 جىل تولعانىن كەشە عانا دۇركىرەتە اتاپ وتكەن قاسيەتتى ولكەنىڭ تاريحىندا ايرىقشا جاڭالىق. اۋداندا بۇقارالىق سپورت پەن دەنە شىنىقتىرۋدى دامىتۋ, سالاۋاتتى ءومىر سالتىن قالىپتاستىرۋدا جۇمىستارى كەڭىنەن قانات جايىپ كەلەدى. اۋىلداردىڭ كەلبەتى مەن تىنىس-تىرشىلىگى جاڭا كەيىپكە ەنىپ, جاسقايرات پەن تاسشاعىلدا سپورت كەشەندەرىنىڭ ەل يگىلىگىنە بەرىلىپ جاتىر. ەلىمىزدىڭ رۋحتى ەرلەرى, جەڭىستى ۇلدارىن تاربيەلەر بەرەكەلى ورىن بولعاي!», دەدى س.شاپكەنوۆ.
ايتا كەتەيىك, سپورت كەشەندەرىندە فۋتبول, ۆولەيبول جانە باسكەتبولعا ارنالعان الاڭ, كۇرەس زالى, كيىنۋ بولمەسى بار. سونىمەن قاتار 150 كورەرمەنگە ارنالعان تريبۋنا قويىلعان. زاماناۋي ۇلگىدەگى قاجەتتى قۇرال-جابدىقتارمەن جاراقتالعان.
ءبىر قىزىعى. قىزىلقوعا اۋدانىندا 10 مىڭعا جۋىق تۇرعىن بۇقارالىق سپورتپەن تۇراقتى تۇردە شۇعىلدانادى. قازىر اۋدانداعى ون اۋىلدىق وكرۋگتىڭ ەكەۋىندە عانا سپورت كەشەنى بار. كەلەر جىلدىڭ اياعىنا دەيىن جەتى سپورتتىق نىسان پايدالانۋعا بەرىلەدى دەپ جوسپارلانعان.
سونداي-اق بيىل سەگىز اۋىلدا 11 اشىق سپورت الاڭىنىڭ قۇرىلىسى باستالعان, ونى 2025 جىلى اياقتاۋ جوسپارلانعان.