رۋحاني كەلىسىم كۇنىنە وراي كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىندا «رۋحاني كەلىسىم: باستاۋى, احۋالى, بولاشاعى» تاقىرىبىندا حالىقارالىق كونفەرەنتسيا ءوتتى, دەپ حابارلايدى Egemen.kz.
ءىس-شاراعا ۇلىبريتانياداعى انگليكان قاۋىمداستىعى باس حاتشىسىنىڭ ورىنباسارى دجو بەيلي ۋەللس, يسلاماباد يسلام ۋنيۆەرسيتەتىنىڭ يسلام عىلىمي-زەرتتەۋ ينستيتۋتىنىڭ ديرەكتورى, پروفەسسور مۇحاممەد زيا-ۋل-حاق, ۇندىستانداعى «سومايا ۆيدياۆيحار» ينستيتۋتىنىڭ كونفەسسياارالىق قارىم-قاتىناس جانە ءوزارا تۇسىنىستىك باعدالاماسىنىڭ حاتشىسى رۋدراكشا ساكريكار, دۇنيەجۇزىلىك بۋدديستەر قاۋىمداستىعىنىڭ وكىلى, دوكتور اريفين ياما, سونىمەن قاتار ەلىمىزدەگى مەملەكەتتىك ورگاندار مەن ءدىني بىرلەستىك وكىلدەرى قاتىستى.
كونفەرەنتسيا اياسىندا ىنتىماقتاستىق پەن رۋحاني كەلىسىمدى نىعايتۋ, قازىرگى الماعايىپ زاماندا ءتۇرلى ەتنوستىق توپتار مەن كونفەسسيا وكىلدەرى اراسىندا تولەرانتتىلىق قاعيداتتارىن ىلگەرىلەتىپ, تۇراقتىلىق ءھام ادامي قۇندىلىقتاردى ساقتاۋ ماسەلەلەرى تالقىلاندى.
ن.نازارباەۆ ورتالىعى باسقارما توراعاسىنىڭ مىندەتىن اتقارۋشى د.ەسەنوۆا:
«مەملەكەت باسشىسى قاسىم-جومارت توقاەۆ: ء«بىزدىڭ باستى بايلىعىمىز – بەرەكە مەن بىرلىك, تۇراقتىلىق پەن تىنىشتىق, بەيبىتشىلىك پەن كەلىسىم» دەدى. قازاقستان جاھاندىق وزگەرىستەر مەن قايشىلىقتاردىڭ قيىن كەزەڭدەرىندە رۋحاني كەلىسىم يدەياسىن قۋاتتى كۇشكە اينالدىرا بىلگەن الەمدەگى العاشقى مەملەكەتتەردىڭ ءبىرى» دەپ اتاپ ءوتتى.
ال دجو بەيلي ۋەللس: ء«بىزدىڭ الەمگە رۋحاني ۇيلەسىمدىلىك پەن ءتۇرلى كوزقاراس يەلەرىنىڭ بىرىگە جۇمىستانۋ مۇمكىندىگى كەرەك. الەم «وركەسترىنىڭ» مۇشەلەرى بار جانە ولار ءتۇرلى دىبىس شىعاراتىن اسپاپتار تارتادى. قۇداي اسپان مەن جەردى جاراتقاندا, وسى ۇيلەسىم ءۇشىن جاراتقان».