كەرلينگتەن شوتلانديادا الەم چەمپيوناتى ءوتىپ جاتىر, دەپ حابارلايدى Egemen.kz.
توپتىق كەزەڭدە فينليانديا, كەنيا, گەرمانيا, ۋەلس, ۋكراينا قۇرامالارىن ۇتقان قازاقستان سپورتشىلارى شۆەيتسارياعا عانا ەسە جىبەردى. الايدا بۇل – توپتىق كەزەڭنەن شىعۋعا ەش كەدەرگى ەمەس. بۇگىن قازاقستان قۇراماسى بەلگياعا قارسى ويىن كورسەتىپ, پلەي-وفف سايىستارىنا دايىندالادى. ەل نامىسىن الەم چەمپيوناتىندا ابىلايحان ءجۇزباي, تىلسىماي اللياروۆا, ايدوس الليار, مەرەي تاستەمىر ەسىمدى سپورتشىلارىمىز قورعايدى.
ايتا كەتسەك, كەرلينگ – بۇل قىسقى كوماندالىق ءسپورت تۇرى, مۇز ارەناسىندا وتەدى. ماتچقا ءار كوماندادا 2-4 ادامنان تۇراتىن ەكى كوماندا قاتىسادى. ويىننىڭ نەگىزگى ءپرينتسيپى قاتىسۋشىلار كەزەك-كەزەك تاس دەپ اتالاتىن مۇز ۇستىندە اۋىر گرانيتتى سناريادتى ۇشىرادى.
مالىمەتتەرگە سۇيەنسەك, كەرلينگ – قازاقستان سپورتشىلارىن 2000 جىلداردىڭ باس كەزىندە قىزىقتىرعان. 2003 جىلدىڭ قاراشاسىنا قاراي قازاقستان كەرلينگ قاۋىمداستىعى رەسمي تۇردە قۇرىلعان.