ونەركاسىپ جانە قۇرىلىس مينيسترلىگى 23 قازان مەن 1 قاراشا ارالىعىندا minerals.gov.kz پورتالى جاڭا e-qazyna.kz (https://minerals.e-qazyna.kz/) جاڭا جەر قويناۋىن پايدالانۋدىڭ بىرىڭعاي پلاتفورماسىنا كوشۋىنە سايكەس ۋاقىتشا جۇمىس ىستەمەيتىنىن حابارلادى. جاڭا پلاتفورمادا جۇمىس ىستەۋ ءۇشىن ەلەكتروندىق تسيفرلىق قولتاڭبانى (ەتسق) پايدالانىپ قايتا تىركەۋ قاجەت بولادى, دەپ حابارلايدى Egemen.kz.
پلاتفورما – گەولوگيالىق جانە تاۋ-كەن پروتسەستەرىن تسيفرلاندىرۋدىڭ جاڭا كەزەڭى, ول پايدالانۋشىلار ءۇشىن مەملەكەتتىك دەرەكتەرمەن جانە قىزمەتتەرمەن جۇمىس ىستەۋ ۇدەرىسىن اشىق ەتىپ, ونىڭ جەڭىلدىگىن ارتتىرادى.
جاڭا پلاتفورمادا كەيبىر مەملەكەتتىك قىزمەتتەر قولجەتىمدى بولادى. ول جەر استى سۋلارىن, ەمدىك بالشىقتى جانە قاتتى پايدالى قازبالاردى بارلاۋعا, وندىرۋگە نەمەسە بىرلەسكەن بارلاۋ مەن وندىرۋگە جەر قويناۋىن پايدالانۋ قۇقىعىن كەپىلگە بەرۋ شارتىن; كەڭ تارالعان پايدالى قازبالاردى بارلاۋعا جانە وندىرۋگە جەر قويناۋىن پايدالانۋ قۇقىعىن كەپىلگە بەرۋ شارتىن تىركەۋ; قاتتى پايدالى قازبالاردى وڭدەۋگە كەلىسىم; جەر قويناۋىن پايدالانۋعا ارنالعان كەلىسىمشارتقا وزگەرىستەر ەنگىزۋگە جانە جەر قويناۋى ۋچاسكەسىن ترانسفورماتسيالاۋعا ءوتىنىم بەرۋگە قوسىمشا كەلىسىم جاساسۋ.
بۇدان باسقا, جويۋ قورىن پايدالانۋعا رۇقسات; بارلاۋ الاڭىندا مىڭ تەكشە مەتردەن اساتىن كولەمدە تاۋ-كەن ماسساسىن الۋعا جانە/نەمەسە توپىراقتى جىلجىتۋعا رۇقسات; جەر قويناۋىن پايدالانۋعا ارنالعان كەلىسىمشارت نەگىزىندە تۋىندايتىن جەر قويناۋىن پايدالانۋ قۇقىعىن (جەر قويناۋىن پايدالانۋ قۇقىعىنداعى ۇلەستى) بەرۋگە رۇقسات بەرۋ; قاتتى پايدالى قازبالاردى بارلاۋعا نەمەسە وندىرۋگە ارنالعان ليتسەنزيالار, سونداي-اق جەر قويناۋىن پايدالانۋ قۇقىعىمەن بايلانىستى وبەكتىلەردى بەرۋ; بارلاۋعا, قاتتى پايدالى قازبالاردى وندىرۋگە, كەڭ تارالعان پايدالى قازبالاردى وندىرۋگە ليتسەنزيالار, بارلاۋ جانە جەر قويناۋىن پايدالانۋدىڭ ليتسەنزيالىق رەجيمىنە كوشۋ شەڭبەرىندە ليتسەنزيالار بەرۋ سەكىلدى قىزمەتتەر دە ۇسىنىلادى.
ايتا كەتەيىك, ليتسەنزيالاۋ ماسەلەلەرى بويىنشا قوسىمشا اقپارات الۋ ءۇشىن – 87019991382, شارتتار بويىنشا – 87056503487, لكش ەسەپتەرى بويىنشا – 87081882575 نومىرلەرىنە حابارلاسۋعا بولادى.