جاڭاوزەن قالاسىنىڭ پروكۋراتۋراسى ەكولوگيا زاڭناماسىنىڭ ساقتالۋىنا تالداۋ جۇرگىزۋ اياسىندا «SAAT Group» جشس-مەن مۇناي قۇبىرلارىن تازارتۋعا قولدانىلعان سۇيىقتىقتىڭ توپىراققا توگىلۋ فاكتىسىن انىقتاعان, دەپ حابارلايدى Egemen.kz.
ماڭعىستاۋ وبلىسىنىڭ پروكۋراتۋراسىنىڭ حابارلاۋىنشا, زەرتحانالىق زەرتتەۋ ناتيجەلەرى بويىنشا الىنعان توپىراقتىڭ ەكسپەريمەنتتىك سىنامالارىندا مۇناي ونىمدەرىنىڭ ىزدەرى تابىلعان.
قالا پروكۋراتۋراسىنىڭ اكتىسىمەن اتالعان مەكەمە قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 328-بابى 4-بولىگى, 332-بابى 1-بولىگى جانە 337-بابى 4-بولىگى بويىنشا اكىمشىلىك جاۋاپتىلىققا تارتىلىپ, 4 ملن تەڭگە كولەمىندە ايىپپۇل تولەۋگە مىندەتتەلدى.