يممۋندىق جۇيەنى باقىلاۋدىڭ تىڭ جولى

«ImmuniGuide» مەديتسينالىق ستار­تابى – يممۋندىق جۇيەنى باعالاۋعا ارنال­عان بىرەگەي پلاتفورما. نۇرلىبەك ­ودەرباەۆ پەن يگور پونامارەۆ سىندى بى­لىكتى ماماندار ازىرلەگەن وسى يننو­ۆا­تسيا­لىق ءونىم ونكولوگيالىق كليني­كادا ءساتتى ىسكە قوسىلدى. يننوۆا­تسيا­لىق مەديتسينا عىلىمي-كلينيكالىق ورتالىعى دارىگەرلەرىنەن قۇرالعان توپتىڭ ايتۋىنشا, جوبانىڭ نەگىزگى ماقساتى – حالىققا تەگىن ءارى قولجەتىمدى سكرينينگ ۇسىنۋ. پلاتفورما جالپى قان ساراپتاماسىنىڭ ناتيجەلەرىنە نەگىزدەلگەن يممۋنولوگيالىق دە­رەكتەردىڭ كەڭ اۋقىمىن قامتيدى. جا­سىرىن ينفەكتسيالاردى انىقتاپ, ورگانيزمنىڭ اۋرۋ-سىرقاۋعا, ەكپەگە, فيزيكالىق جۇكتەمەلەر مەن سترەس­كە اسەرىن باقىلاۋعا كومەكتەسەدى. سونىمەن قاتار يممۋنيتەتتى قالىپتا ۇستاپ, نىعايتۋعا قاتىستى ۇسىنىمدار بەرەدى.

«ويىمىزدا جوبانىڭ العاشقى ۇشقىنى 2016 جىلى پايدا بولدى. سودان بەرى پلاتفورمانى ازىرلەۋگە 8 جىلدان استام ۋاقىت جۇمسادىق. وسى ارالىقتا 4 اۆتورلىق قۇقىق الىپ, ساۋدا ماركاسىن تىركەپ قانا قويماي, پلاتفورمانىڭ قۇرىلىمىن قايتا قاراپ, جاساندى ينتەللەكتىنى كىرىكتىر­دىك. بيىل شىلدەدە ءونىم وندىرىسكە ءساتتى ەنگىزىلدى, بەلسەندى قولدانىپ جات­قان كلينيكالار مەن ەمحانالاردا جاقسى كورسەتكىشتەر بايقالادى. پلاتفورما ۇسىنعان ناتيجەلەردىڭ دالدىگى ورتاشا ەسەپپەن 98,7%-دى قۇرايدى», دەيدى «ImmuniGuide» نەگىزىن تەڭ قالاۋشى, مەديتسينا عىلىمدارىنىڭ دوكتورى, دارى­گەر-ونكولوگ نۇرلىبەك ودەرباەۆ.

جوبانىڭ باستى ارتىقشىلىعى – مەديتسينالىق دەرەكتەردى جوعارى جىلدامدىقپەن, دالدىكپەن وڭدەي الاتىن جاساندى ينتەللەكتىنىڭ كىرىگۋىندە. بۇل – ەگجەي-تەگجەيلى جەكەلەندىرىلگەن ەسەپتەردى كەز كەلگەن تىلدە ۇسىنۋعا مۇمكىندىك بەرەدى. عالىمدار دەنساۋلىق ساقتاۋ سالاسىن دامىتۋعا سەپتەسەتىن وتاندىق ونىمدەرىن حالىقارالىق الاڭ­عا شىعارۋعا دايىن. ونىڭ ۇستىنە جوبا شەتەلدىكتەردىڭ دە قىزىعۋشىلىعىن تۋدىرىپ ۇلگەرگەن. مىسالى, قازىردە مالايزيا تاراپىمەن پلاتفورمانى سول ايماقتا سىناقتان وتكىزۋ جونىندە كەلىسسوزدەر جۇرگىزىلىپ جاتىر. الدا عالىمدار تەحنولوگيا اياسىن كەڭەيتىپ, ونى ازياعا عانا ەمەس, ەۋروپا مەن اقش ەلدەرىنە جەتكىزۋدى كوزدەپ وتىر.