ءماجىلىس توراعاسى ەرلان قوشانوۆ پالاتانىڭ جالپى وتىرىسىنا دايىندىقسىز كەلگەن ۇكىمەت مۇشەلەرىنە ەسكەرتۋ جاسادى, دەپ حابارلايدى Egemen.kz.
ماجىلىستە قازاقستان مەن قاتار ۇكىمەتتەرى اراسىنداعى اسكەري ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسى قارالدى. قۇجاتتى تالقىلاۋ بارىسىندا دەپۋتاتتار ءداستۇرلى تۇردە ۇكىمەت مۇشەلەرىنە ساۋالدار جولداعان. بۇل زاڭ جوباسى بويىنشا قورعانىس جانە سىرتقى ىستەر مينيسترلەرىنىڭ ورىنباسارلارى ءسوز سويلەگەن.
دەپۋتات باقىتجان بازاربەك قورعانىس ءمينيسترىنىڭ ورىنباسارى دارحان احديەۆكە «قازاقستان مەن قاتار ءبىر-ءبىرىنىڭ اسكەري پوليگوندارىن پايدالاناتىنى راس پا؟» دەگەن سۇراق قويعان.
«ولاردىڭ پوليگونىن پايدالانۋ ءبىزدىڭ ماقساتىمىزدا جوق, كەرىسىنشە, قاتار اسكەريلەرى ءبىزدىڭ پوليگوندى پايدالانا الادى», دەپ جاۋاپ بەردى دارحان احديەۆ.
ماجىلىسمەن شەنەۋنىكتىڭ كەلىسىمنىڭ مازمۇنىمەن جەتكىلىكتى تۇردە تانىس ەمەستىگىن العا تارتقان.
«مەن سىزگە سۇراق قويدىم. بىرىنشىدەن, ءسىز بۇلاي ەمەس دەپ ايتتىڭىز, بىراق بەسىنشى ماقالادا ء«بىز ءوز پوليگونىمىزدى قاتارعا بەرەمىز جانە ولار بىزگە ءوز پوليگوندارىن بەرەدى» دەپ جازىلعان. ماقالانى وقىپ, تانىسىڭىز», دەدى باقىتجان بازاربەك.
وسىدان كەيىن ءماجىلىس توراعاسى ۇكىمەت مۇشەلەرى پلەنارلىق وتىرىستارعا تىڭعىلىقتى دايىندالۋى كەرەك ەكەنىنىن قاداپ ايتتى.