شىعىس قازاقستان وبلىسىنىڭ زايسان اۋدانىندا ءبىر توپ وقۋشى قىز قاتارلاسىنا الىمجەتتىك جاساپ, كۇش كورسەتكەن, دەپ جازادى Egemen.kz.
بۇل وقيعانىڭ ۆيدەوسى الەۋمەتتىك جەلىدە تاراپ كەتتى. وبلىستىق پوليتسيا دەپارتامەنتى وقۋشى قىزدى قورلاعاندارعا قاتىستى قىلمىستىق ءىس قوزعالعانىن مالىمدەدى.
ءتارتىپ بۇزۋشىلىققا قاتىسى بار قىزداردىڭ جەكە-باسى انىقتالىپ, تەرگەۋ امالدارى باستالىپ كەتكەن.
ء«تارتىپ بۇزعان قىز بالالار مەكتەپىشىلىك ەسەپكە الىنىپ, اكىمدىك جانىنداعى كامەلەتكە تولماعانداردىڭ قۇقىقتارىن قورعاۋ كوميسسياسىنا ءتيىستى ۇسىنىس ەنگىزىلدى. قر قىلمىستىق-پروتسەستىك كودەكسىنىڭ 201-بابىنا سايكەس, وزگە اقپارات جاريا ەتىلمەيدى», دەلىنگەن وبلىستىق پوليتسيا دەپارتامەنتى تاراتقان حابارلامادا.