قورعانىس مينيسترلىگى 2025 جىلى 900-دەن استام زاپاستاعى وفيتسەر اسكەري قىزمەتكە شاقىرىلاتىنىن حابارلادى. «زاپاستاعى وفيتسەرلەردى اسكەري قىزمەتكە شاقىرۋ تۋرالى» قاۋلى جوباسى «اشىق نقا» پورتالىندا جاريالاندى, دەپ جازادى Egemen.kz.
ۇكىمەت قاۋلىسىنىڭ جوباسىنا سايكەس, 2025 جىلى 915 زاپاستاعى وفيتسەر اسكەري قىزمەتكە شاقىرىلادى. اسكەري قىزمەتكە شاقىرىلعان ازاماتتار 24 اي بويى قارۋلى كۇشتەردە, ۇقك شەكارا قىزمەتىندە, ءىىم ۇلتتىق ۇلانىندا جانە توتەنشە جاعدايلار مينيسترلىگىندە وفيتسەرلىك قۇرام لاۋازىمدارىندا قىزمەت اتقارادى.
زاپاستاعى وفيتسەرلەردى شاقىرۋ اسكەري دايىندالعان رەزەرۆتى جيناقتاۋ جانە وفيتسەرلەر قۇرامىنىڭ بوس لاۋازىمدارىن تولىقتىرۋ ماقساتىندا جۇزەگە اسىرىلادى.