مەن قازاقستانعا داۋىس بەرۋ ۇدەرىسىن بايقاۋشى رەتىندە العاش رەت كەلىپ وتىرمىن. ارينە, مۇنداي جاۋاپتى مىندەتكە كىرىسپەس بۇرىن الدىمەن قازاقستاننىڭ دەموكراتيالىق رەفورمالارى تۋرالى جان-جاقتى زەرتتەۋ جۇرگىزىپ, وزىمە قاجەتتى مالىمەتتەرمەن قانىقتىم.
سەبەبى بىزدە, اقش-تا داۋىس بەرۋدىڭ اشىق ءارى انىق بولۋى ماڭىزدى. سوندىقتان دا بايقاۋشى رەتىندە ءوز مىندەتىمدى لايىقتى اتقارۋعا تىرىستىم. حالىقارالىق بايقاۋشىلار مەن بۇقارالىق اقپارات قۇرالدارى وكىلدەرىنە جاعداي جاسالعانى بىردەن اڭعارىلدى.
اقش ءۇشىن ماڭىزدى ماسەلەلەردىڭ ءبىرى – مۇگەدەكتىگى بار ادامدارعا داۋىس بەرۋ قۇقىعىن قامتاماسىز ەتۋ. قازاقستاندا دا بۇعان ءجىتى ءمان بەرىلەتىنىنەن حاباردار بولدىم.
جالپى, حالىقارالىق بايقاۋشى رەتىندە تاجىريبەم مول. وسىعان دەيىن بىرنەشە ەلدە ساياسي ناۋقاندارعا قاتىستىم. ءوزىم بارىپ شىققان داۋىس بەرۋ ۋچاسكەلەرىندە ادام قاراسى كوپ ەكەنىن اڭعاردىم. مۇنداي رەفەرەندۋم وتكىزۋ, ەلدىڭ بولاشاعىنا قاتىستى ماڭىزدى سۇراقتار بويىنشا شەشىمدى حالىقپەن بىرگە قابىلداۋ – قۇپتارلىق.
دونالد پالمەرا,
اقش-تاعى سايلاۋعا جاردەمدەسۋ جونىندەگى كوميسسيانىڭ ۆيتسە-توراعاسى