جاقىندا عانا 18 جاسقا تولعان قوستاناي قالاسىنىڭ تۇرعىنى شىڭعىسحان بۇركىتباي №74-ءشى ۋچاسكەگە كەلىپ داۋىس بەردى. بۇل سايلاۋ ۋچاسكەسىنە 2316 تۇرعىن تىركەلگەن.
«مۇنداي ماڭىزدى ءىس-شاراعا تۇڭعىش رەت قاتىسىپ, ءوزىمنىڭ ازاماتتىق تاڭداۋىمدى جاسادىم. ەل بولاشاعى ءۇشىن داۋىس بەردىم. بۇل, اسىرەسە, جاستار ءۇشىن ماڭىزدى رەفەرەندۋم دەپ ويلايمىن. ويتكەنى بولاشاق – جاستاردىڭ قولىندا. داۋىس بەرۋ قۇقىنا يە ءاربىر ازامات بۇگىنگى مۇمكىندىكتى پايدالانۋى كەرەك», دەيدى شىڭعىسحان.
اتالعان ۋچاسكەدە قالالىق ارداگەرلەر كەڭەسىنىڭ توراعاسى تاتيانا ەسكەندىروۆا دا داۋىس بەردى.
«بۇگىنگى رەفەرەندۋمنىڭ ماڭىزىن وتە جاقسى تۇسىنەمىن. تاڭداۋ جاساۋ اركىمنىڭ ءوز ەركى. بۇگىن - ەلىمىز ءۇشىن تاريحي كۇن. وزدەرىڭىز كورىپ تۇرسىزدار, ۋچاسكەگە كەلىپ كەتىپ جاتقانداردىڭ ىشىندە جاستاردىڭ قاراسى كوپ. بۇل وكشەمىزدى باسىپ كەلە جاتقان كەيىنگى بۋىننىڭ ەل كەلەشەگىنە بەي-جاي قارامايتىنىن كورسەتەدى», دەيدى تاتيانا ەسكەندىروۆا.
قوستاناي وبلىسى