كاسىپكە باۋليتىن پلاتفورما

پلاتفورماعا قازىردىڭ وزىن­دە 474 مىڭنان استام پايدالانۋشى تىركەلسە, ولاردىڭ 390 مىڭ­نان استامى وقۋدى ءساتتى اياق­تاپ, سەرتيفيكاتىن العان. قول­دا­نۋ­شى­لاردىڭ 113,4 مىڭى بيىل تىركەلىپ وتىر. وقۋدان وتكەن 44,5 مىڭ جۇمىسسىز ازاماتتىڭ 13,8 مىڭعا جۋىعى – نەگىزىنەن اقتو­بە, تۇركىستان, قاراعاندى, قىزىل­وردا وبلىسىنىڭ, شىمكەنت قالا­سىنىڭ جاستارى. پلاتفورما ىسكە قوسىلعاننان بەرىگە دەيىن اۆتورلار ءتۇرلى باعىتتاردا 608 كۋرس جا­ريالاپ ۇلگەردى. ونىڭ 276-سى تەگىن.

حالىقتىڭ ءبىلىم دەڭگەيى مەن كاسىبيلىگىن ارتتىرۋعا, مانساپ­تىق دامۋدى ىنتالاندىرۋعا, ء«ومىر بويى وقىتۋ» تۇ­جى­رىم­داماسىن ىلگەرىلەتۋگە با­عىت­تالعان پلاتفورماداعى كۋرس­­تاردىڭ ۇزاقتىعى 1 ساعاتتان 72 سا­عاتقا دەيىن جالعاسۋى مۇم­كىن. قىر­كۇيەكتە ەڭ كوپ سۇرا­نىس­تا بولعان كۋرستاردىڭ ىشىندە «الەۋمەتتىك جۇمىسقا كىرىسپە», «ساتۋشى», «قوناقۇيدە ساتۋ ءبو­لى­مىن قۇرۋ», «الەۋمەتتىك جۇمىس نەگىزدەرى», «پەرسونالدى باسقارۋ» سىندى باعىتتار بار. پلاتفورمادا مەملەكەتتىك قىز­مەت, الەۋمەتتىك قىزمەت كورسەتۋ, SMART SKILLS جانە باسقا دا سالالارداعى ءتۇر­لى ماماندىق بويىنشا تەگىن كۋرس­تاردىڭ سانى ۇنەمى ارتىپ وتىرادى. ول ماركەتپلەيس – قىزمەتتەر نارىعى قاعيداتى ارقىلى ونلاين كۋرس­تار­عا قول جەتكىزۋدى ۇسىناتىن حالىقارالىق وقىتۋ الاڭدارىنا ۇقساس قۇرىلعان. وقۋعا skills.enbek.kz سىلتەمەسى ارقىلى نەمەسە enbek.kz سايتىنداعى «ونلاين وقىتۋ» ءبولىمىن تاڭداۋ ارقىلى وتۋگە بولادى.

بىلتىر جەلتوقسان ايىنان باستاپ كۋرستاردى Enbek ءموبيلدى قوسىمشاسى ارقىلى وقۋعا بولادى. قوسىمشانى Google Play جانە App Store-دان جۇكتەۋ قيىن شارۋا ەمەس.

Skills Enbek پلاتفورماسىندا ەندى Influencers-ءتىڭ جاستارعا ارنالعان كۋرستارى دا قولجەتىمدى بولادى.  سەبەبى «ەڭبەك رەسۋرستارىن دامىتۋ ورتالىعى» اق مەن Influencers الەۋمەتتىك-ءبىلىم بەرۋ پلاتفورماسىندا ىنتىماقتاستىق تۋرالى كەلىسىم جاسادى. سەرىك­تەس­تىك اياسىندا Influencers ازىرلەگەن بەينەماتەريالدار مەن وقۋ باع­دارلامالارى Skills Enbek پلاتفورماسىنا ورنالاستىرىلادى. قازىردىڭ وزىندە Skills Enbek پايدالانۋشىلارى ءۇشىن Influencers ساراپشىلارىنىڭ قارجىلىق ساۋاتتىلىق كۋرستارى قولجەتىمدى. وسى ىنتىماقتاستىق الدا كاسىبي وسۋگە, اسىرەسە جاستارعا ءبىلىم بەرۋ ۇدەرىسىن, باسقا كۋرستاردىڭ الەۋەتىن ارتتى­رۋعا مۇمكىندىك بەرەدى.

«ەڭبەك رەسۋرستارىن دامىتۋ ورتالىعى» اق باسقارۋشى ديرەك­تورى ولگا كيسەلەۆا ازامات­تار­دىڭ داعدىلارىن جەتىلدىرۋگە سەپ­تەسەتىن كۋرستاردىڭ قاتارى تو­لىعىپ, جاڭارىپ وتىراتىنىن ايتادى.

«Skills Enbek پلاتفورماسى ۇزدىكسىز كەڭەيىپ, دامىپ كەلەدى. ازاماتتاردىڭ ءبىلىم الۋىنا وسىلاي كوڭىل ءبولىنىپ, ولاردى تىڭ داعدىلارعا ۇيرەتۋ تۇرعىسىنان مۇمكىندىكتەرىن كەڭەيتىپ وتىر. پاي­دالانۋشىلارىمىزدىڭ شا­مامەن 40 پايىزى – جاستار. ولار­عا كۋرستاردىڭ وزەكتىلىگى, الۋان­دىعى مەن ساپاسى ەرەكشە ما­ڭىزدى. ءبىز مۇنى ءبىلىپ, ەسكەرىپ وتىرمىز. الداعى كۇندەردە دە قاپەردەن شىعارمايمىز», – دەيدى و.كيسەلەۆا.

Skills Enbek ىسكە قوسىلعان ساتتەن باستاپ پلاتفورماعا ءتۇر­لى باعىتتاردا 608 كۋرس ورنالاس­تىرىلعان. ونىڭ ىشىندە 276 كۋرس­تى تەگىن وقۋعا بولادى. مۇنداي كۋرستاردان وتۋگە كىم-كىمنىڭ بولسا دا مۇمكىندىگى بار.