سولتۇستىك قازاقستان وبلىسىنىڭ اۋىلدارىنىڭ بىرىندە 2009 جىلى تۋعان ءجاسوسپىرىم پىشاق جاراقاتىنان اۋرۋحاناعا ءتۇستى, دەپ حابارلايدى Egemen.kz.
قايعىلى وقيعا تيميريازەۆ اۋدانىندا, اقجان مەكتەبىندە بولعان. سولتۇستىك قازاقستان وبلىسى دەنساۋلىق ساقتاۋ باسقارماسىنىڭ ءباسپاسوز حاتشىسى گۇلنار سايلاۋدىڭ ايتۋىنشا وڭ جاق يىعىنان پىشاق جاراقاتىن العان بالا اۋداندىق اۋرۋحانانىڭ حيرۋرگيا بولىمىنە جاتقىزىلىپ, وتا جاسالىپ, جاراسى تىگىلگەن. بالانىڭ جاعدايى تۇراقتى.
وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمدەۋىنشە پىشاق جاراقاتىن سالعان بالا قاجەتتى تەرگەۋ ارەكەتتەرىن جۇرگىزگەننەن كەيىن اتا-اناسىنىڭ كەپىلدىگىمەن بوساتىلعان.
«اتالعان فاكتى بويىنشا قىلمىستىق ءىس قوزعالدى. تەرگەۋ جۇرگىزىلۋدە. قۇقىق بۇزۋشىنىڭ جاس ەرەكشەلىگىن ەسكەرە وتىرىپ, پوليتسيا قىزمەتكەرلەرى تاربيەلىك مىندەتتەرىن ورىنداماعانى ءۇشىن ونىڭ اتا-اناسىن جاۋاپكەرشىلىككە تارتۋ جۇمىستارىن جۇرگىزدى. ءجاسوسپىرىم پروفيلاكتيكالىق ەسەپكە الىنادى», دەلىنگەن ۆەدوموستۆو حابارلاماسىندا.