سۋرەتشىلەر – كەرەكۋدە

«ارت-ءتور 2024» اتالعان حا­لىقارالىق پلەنەردە ءتۇرلى كا­دە­­سىي­لاردىڭ جانە ناعىمبەك نۇر­مۇحاممەدوۆ سالعان سۋرەتتەر كاتالوگىنىڭ تۇساۋكەسەر ءراسىمى جاسال­دى. قۇرمەتتى قوناقتار قا­تا­رىنان ايگىلى سۋرەتشىنىڭ قىزى, ونەرتانۋشى مارا ناعىمبەكقى­زىن, يۋنەسكو سۋرەتشىلەر وداعى­نىڭ مۇشەسى, رەسەيلىك اندرەي بليوك­تى, قىرعىزستاننىڭ حالىق سۋرەتشىسى يۋريستانبەك شىعاەۆتى, ازەربايجاندىق سۋرەتشى دجالال اگاەۆتى, سونداي-اق باسقا دا وتاندىق جانە شەتەلدىك تانىمال قىلقالام يەلەرىن كورە الدىق.

– پاۆلودار وبلىستىق كور­كەم­سۋرەت مۋزەيى 1964 جىلى قۇرىل­عان, ەرتىس وڭىرىندەگى ەڭ ءىرى مۋزەي. بيىل قۇرىلعانىمىزعا 60 جىل تولىپ وتىر. وسى ۋاقىت ارالىعىندا ۇيىم ءوڭىر­دىڭ ونەرى مەن مادەنيەتى سالا­سىن­داعى ۇردىستەر مەن قۇبىلىس­تار­دى زەرتتەۋ, قۇجاتتاۋ فۋنكتسيا­لا­­رىن ورىندايتىن عىلىمي-مادە­ني مەكەمەگە, مادەنيەتتىڭ, ءبىلىم مەن عىلىمنىڭ دامۋىنا وڭ اسەر ەتەتىن مۋزەي توپتامالارىنىڭ قويماسىنا اينالدى. بۇگىندە مۋزەي كوللەك­تسياسىندا 6 200-دەن استام كەسكىندەمە, گرافيكا, ءمۇسىن, ساندىك-قولدانبالى جانە تەاترلىق-دەكوراتسيالىق ونەر تۋىندىلارى بار. 2022 جىلى پاۆلودار وبلىستىق كوركەمسۋرەت مۋزەيىنە باياناۋىل اۋدانىنىڭ تۋماسى, قازاقستان­نىڭ حالىق سۋرەتشىسى, قازاق كسر مەم­لەكەتتىك سىيلىعىنىڭ لاۋرەاتى ناعىمبەك نۇرمۇحاممەدوۆتىڭ ەسى­مى بەرىلدى. مۋزەي قورىندا سۋرەتشى­­­نىڭ 31 تۋىندىسى ساقتالعان, 6 تۋىندى­­سىن سۋرەتشىنىڭ وتباسى مۋزەي قو­رى­نا ­تابىستادى, دەپ اتاپ ءوتتى مۋ­زەي ­باسشىسى اقەرتىس سولتانباەۆ.

ناعىمبەك جەلال-ءاد-دين ۇلى­نىڭ ەڭبەك جولى نەگىزىنەن الماتى قالاسىندا ورىلگەن. اسا اۋقىمدى شىعارماشىلىعى وداققا تانىلىپ, رەسپۋبليكالىق, بۇكىلوداقتىق جانە حالىقارالىق كورمەلەردىڭ بەلسەندى قاتىسۋشىسى بولدى. ونەر يەسى ەتيۋدتەر مەن بولاشاق كارتينالارعا ار­نالعان ماتەريالدارىن نەگىزى­نەن ەل بويىنشا جانە شەتەلدىك ساياحاتتاردا جيناعان. ونى بىلەتىن­دەر تۇلعانىڭ سۋرەتشى عانا ەمەس, بەل­سەندى قوعام قايراتكەرى, ونەرتانۋ­شى بولعانىن ايتادى. قازاقستان­نىڭ ەجەلگى جانە قازىرگى زامانعى ونەرى تۋرالى كوپتەگەن ماقالا مەن كىتاپ جازعان.

«نۇرمۇحاممەدوۆ شىعار­ما­شىلىعىن قىرعىزستاندىق ارىپ­تەستەرىم جاقسى بىلەدى. ونى قازاقستاننىڭ كلاسسيك سۋرەت­شى­لەرىنىڭ ءبىرى رەتىندە تانيمىز. جۇ­مىستارى جوعارى كاسىبي دەڭگەي­دە سالىنعان. ول كىسىنىڭ شاكىرتتەرى شىعارماشىلىق جولدى لايىقتى جالعاستىرىپ وتىرعانى قۋانتا­دى. مۇنداي شەبەرلەردىڭ ەڭبە­گىن ءاردايىم ۇلىقتاپ, تۋىندىلارىن التىنداي ساقتاۋعا مىندەتتىمىز. مەن دە ول سياقتى رەسەيدەگى رەپين اتىنداعى اكادەميانى ءتامامدا­دىم. بۇل كورمەگە ەرەكشە تار­تۋىم بار. الەمگە ايگىلى عالىم قانىش ساتباەۆتىڭ 125 جىلدىعىنا وراي, عۇلامانىڭ پورترەتىن سالىپ كەلدىم. ونى مۋزەي قورىنا وتكىزەمىن», دەدى قىرعىزستاننىڭ حالىق سۋرەتشىسى يۋريستانبەك شىعاەۆ.

ءىس-شارادا قازاقستاننىڭ ەڭبەك سىڭىرگەن قايراتكەرى, سۋرەتشىلەر وداعىنىڭ مۇ­شەسى ومىربەك جۇبانيازوۆ شەبەر­لىك ساباعىن وتكىزدى. مۇندا قاتىسۋ­شى­لار كەسكىندەمە مەن گرافيكانى ۇيلەستىرەتىن بىرەگەي اۆتورلىق تەحنيكامەن تانىستى. ال تانىمال ونەرتانۋشى, «ۇلار» گالەرەياسى­نىڭ ديرەكتورى يۋري ماركوۆيچ 3D ­باسىپ شىعارۋ, VR تەحنولوگيا­لارى مەن درونداردى پايدالانۋ سياق­تى بەينەلەۋ ونەرىندەگى ەڭ جاڭا تەحنولوگيالار تۋرالى جانە ولار­دىڭ زاماناۋي كوركەمدىك ۇردىس­تەر­گە اسەرى تۋرالى اڭگىمەلەدى. بۇل قازىرگى ۇيىمداستىرىلىپ جۇر­گەن كورمەلەردىڭ كەڭىستىگىن وزگەرتۋ­گە جانە جاڭا كوزقاراستار تۇزۋگە تاماشا مۇمكىندىك بەرەتىنىن اتاپ ءوتتى قاتىسۋشىلار.

بۇعان قوسا سۋرەتشىلەر بايان­اۋىلعا بارىپ, تۇمسا تابيعاتتىڭ عاجا­يىپتارىن بەينەلەدى.

پاۆلودار