سولتۇستىك وڭىردە تۇتىنۋشىلارعا ۇسىنىلاتىن كومىردىڭ «شۇباركول», «قاراجىرا», «مايكوبە», «بوگاتىر» سىندى ءتورت ءتۇرى بار. ولار وبلىس اۋماعىنداعى 32 تىرەكتەن ساتىلادى, ازىرشە قويمالاردا 44 مىڭ تونناداي كومىر جيناقتالعان. العاشقى ەكەۋىنىڭ باعاسى 1 تونناسىنا 19-20 مىڭ, ءۇشىنشىسى 16-17 مىڭ شاماسىندا. ال ك ۇلى كوپ, جىلۋى از, ساپاسى تومەن ەكىباستۇزدىڭ «بوگاتىر» كومىرىنىڭ باعاسى 12-13 مىڭ تەڭگەدەن. الايدا وسى سوڭعى, ساپاسىز كومىردى جەو-2 تۇتىنادى. ونىڭ پەشتەرى وسى كومىردىڭ قىزۋىنا شاقتالعان.
وبلىس حالقىنىڭ جەكەمەنشىك ۇيلەرى مەن كوممۋنالدىق عيماراتتار جىل بويى ورتا ەسەپپەن 419 مىڭ توننا كومىر تۇتىنادى, ال بۇگىنگى تاڭدا تەك 259 مىڭ توننا عانا كومىر قويمالارعا ۇيىلگەن. بۇل بەلگىلەنگەن مەجەنىڭ 61 پايىزى عانا. بىلتىرعىمەن قوسا ەسەپتەگەندە, وبلىستىڭ بيۋدجەتتىك مەكەمەلەرىنە بيىل 146 مىڭ, ال تۇرعىندارعا 399 مىڭ توننا كومىر كەرەك.
سولتۇستىك قازاقستان وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى ۆ.لۋكيننىڭ ايتۋىنا قاراعاندا, كومىر تاراتۋدا ازىرگە ەشقانداي تالاس-تارتىس, ابىگەرشىلىك جوق. باعانىڭ دا بىلتىرعىدان كوپ ايىرماشىلىعى بايقالمايدى.
كومىر تاسۋشىلار قالانىڭ شەگىندە جەكەمەنشىك ۇيلەرگە اكەلگەنىنە تاعى 8 مىڭ تەڭگە ۇستەمە قوسادى. جارنامادا زەينەتكەرلەرگە جەڭىلدىك بەرەمىز دەپ جازعاندارىمەن, ءتۇرلى سىلتاۋمەن ەشقانداي جەڭىلدىك بەرمەيدى. سونىمەن تۇرعىن ۇيلەر 4 توننا كومىر السا, 85-88 مىڭداي اقشا تولەيدى.
پەتروپاۆل قالاسىنىڭ اۋماعىنداعى تەمىرجول تۇيىقتىقتارىندا قازىر ءارتۇرلى كومىردىڭ 3 مىڭ تونناداي زاپاسى جاتىر. ولاردى نەگىزىنەن قالانىڭ «جىلۋ» جك, «پرومينۆەستۋگول» جشس, «وتىن لتد» جشس, «ۋگول نورد» جشس سياقتى ءتورت كاسىپورنى تاراتادى. ءبارىنىڭ باعاسى جوعارىدا ايتقانىمىزداي, 16-20 مىڭ تەڭگەنىڭ ارالىعىندا.
تابيعي مونوپوليالاردى رەتتەۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتىنىڭ ءبولىم باسشىسى ۆياچەسلاۆ لۋكينىحتىڭ ايتۋىنا قاراعاندا, كومىردىڭ قىمباتتاۋىنا بايلانىستى بىلتىر پەتروپاۆل قالاسى مەن بارلىق كاسىپورىن مەن مەكەمەگە جىلۋ مەن جارىق بەرەتىن جەو-2 كاسىپورنىنىڭ يەسى «سەۆكازەنەرگو» اق بىلتىرعى 1 قاڭتاردان باستاپ وزدەرىنىڭ ءتاريفىن 7,8 پايىزعا ارتتىراتىنىن مالىمدەگەن. الايدا انتيمونوپوليالىق دەپارتامەنت ءتاريفتى ارتتىرۋ تۋرالى ءوتىنىمدى قاناعاتتاندىرۋدان باس تارتقان. «سەۆكازەنەرگو» اق سوتقا تالاپ-ارىز بەرىپ, وزدەرىنىڭ پوزيتسياسىن جاقتاۋدى وتىنگەن. سوتتىڭ ءبىرىنشى, اپپەلياتسيالىق ينستانتسياسى كاسىپورىننىڭ تالاپتارىن ورىندى دەپ شەشىپ, جەڭىستى «سەۆكازەنەرگو» اق-عا بەرگەن. الايدا انتيمونوپوليالىق دەپارتامەنت جوعارعى سوتقا كاسساتسيالىق شاعىم جازىپ, وزدەرىنىڭ پوزيتسياسىنىڭ دۇرىستىعىن دالەلدەپ شىعىپتى. «بىراق بيىل بۇل كاسىپورىن ءبارىبىر ءتاريفتى ازداپ وسىرەتىن شىعار. ويتكەنى كومىر باعاسى بىلتىرعىدان ايتارلىقتاي ارتپاعانىمەن, باعانىڭ جاپپاي ءوسۋى اسەر ەتپەي قويمايدى», دەيدى مامان.
دەپارتامەنتتىڭ 2024 جىل كەزەڭىندەگى باقىلاۋ, تالاپ-ارىز جۇمىستارىنا توقتالا كەتەيىك. جىل باسىنان بەرى دەپارتامەنت 6 اكىمشىلىك ىسكە قاتىسقان. ەكى اكىمشىلىك ىسكە قاتىستى تاتۋلاسۋ تۋرالى كەلىسىمدەر جاسالىپ, قالعان اكىمشىلىك ىستەر جونىندەگى سوتتاردىڭ شەشىمدەرى زاڭدى كۇشىنە ەنبەگەن, بەلگىلەنگەن تارتىپپەن شاعىمدانۋ ءالى دە جالعاسىپ جاتىر.
سەگىز ازاماتتىق ءىس جونىندەگى سوت شەشىمدەرى دەپارتامەنتتىڭ پايداسىنا شىعارىلعان. «وسى جىلى دەپارتامەنتتىڭ ءوتىنىشى نەگىزىندە «قامقور-2023» جشس-نا قاتىستى جوسپاردان تىس تەكسەرۋ جۇرگىزىلدى, ونىڭ قورىتىندىسىنا سايكەس تابيعي مونوپوليا سۋبەكتىسى بولىپ تابىلاتىن كاسىپورىن دەپارتامەنت بەكىتپەگەن, ۇلكەيتىلگەن ءتاريفتى قولدانعانىنا بايلانىستى اكىمشىلىك قۇقىق بۇزۋشىلىق تۋرالى كودەكستىڭ 164-بابىمەن اكىمشىلىك جاۋاپكەرشىلىككە تارتىلىپ, كاسىپورىنعا 516 880 تەڭگە كولەمىندە اكىمشىلىك ايىپپۇل سالىندى», دەدى ۆ.لۋكينىح.
سولتۇستىك قازاقستان وبلىسى