تەرەڭ وڭدەۋ جوبالارى ىسكە قوسىلادى

ۆيتسە-پرەمەر «ۇلكەن جوبا» بويىنشا 2,5% جىلدىق جەڭىل­دىكپەن نەسيە العان جاڭا تاۋار­لى ءسۇت فەرمالارىنىڭ قۇرىلى­سىمەن تانىستى. ماسەلەن, «ۆوستوك-1» جشس 1,2 مىڭ مال باسىنا ارنالعان جوبانى اياقتاپ جاتىر. اتالعان سەرىكتەستىك قۇرا­مىندا اۋىلشارۋاشىلىق داقىل­دارىن وسىرۋمەن, تۇقىم سەلەكتسياسىمەن, اسىل تۇقىمدى مال شارۋاشىلىعىمەن اينالىساتىن وندىرىستەر بار. وبلىس اكىمى قۇمار اقساقالوۆ بۇل قوستاناي وبلىسىندا «ۇلكەن جوبا» بويىنشا سالىناتىن العاشقى زاماناۋي فەر­ما ەكەنىن اتاپ ءوتتى. اتالعان جوبا اياسىندا وڭىردە التى تسف سا­لى­نىپ جاتقانىن ايتا كەتۋ كەرەك. ولاردىڭ ۇشەۋى بيىل, ال ۇشەۋى كەلەسى جىلى پايدالانۋعا بەرىلەدى. جالپى, وبلىس بويىنشا 2023 جىلى 202 مىڭ توننا ءسۇت ءوندىرىلىپ, ونىڭ 172 مىڭ تونناسى نەمەسە 85%-ى  قايتا وڭدەلگەن. ال بيىلعى 8 اي ىشىندە 165 مىڭ توننا ءسۇت ءوندىرىلىپ, 140 مىڭ توننا (84%) وڭدەلگەن.

ۆيتسە-پرەمەر جۇمىسىمەن تانىسقان «S-Agro-Borovskoe» جشس بىلتىر كامەنس­كۋرالسك كەنتىنىڭ ماڭىن­دا بيە ءسۇتىن سۋبليماتسيالاۋ زاۋىتىن ىسكە قوستى. بۇل – «Local food» برەندىمەن قۇرعاق ساۋمال شىعاراتىن «Zollmann» نەمىس كومپانياسىمەن بىرلەسكەن كاسىپورىن. نەمىس سۋبليماتسيا تەحنولوگياسى جاڭا ساۋىلعان بيە ءسۇتىن -72°C تەمپەراتۋراعا دەيىن قاتىرۋ ارقىلى ونىڭ بارلىق پايدالى قاسيەتتەرىن ساقتاۋعا مۇمكىندىك بەرەدى. كاسىپورىننىڭ قۋاتى تاۋلىگىنە 120 كگ قۇرعاق ءسۇت شىعارۋعا جەتەدى.  2024 جىلدىڭ قاڭتار-تامىز ايلارىندا «S-اgro-Borovskoe» 5 توننا قۇرعاق ءسۇت ءوندىرىلىپ, ءونىم استانا جانە الماتى بازارلارىنا جانە ءدارىحانا جەلىلەرىنە جىبەرىلگەن. كاسىپورىن باسشىسى امانگەلدى سارباسوۆتىڭ ايتۋىنشا, بيىل ساۋمال نەگىزىندەگى كوسمەتيكا وندىرىسىنە ارنالعان جابدىقتى (قولعا, بەتكە ارنالعان كرەم, سابىن, سۋسابىندار جانە ت.ب.) ورناتۋ جوسپارلانىپ وتىر. كاسىپورىننىڭ نەمىس سەرىكتەسى «Zollmann» بۇل كوسمەتيكانى ەۋروپادا شىعارادى, ول ۇلكەن سۇرانىسقا يە, بىراق گەرمانيادا ءوندىرىستى كەڭەيتۋگە مۇمكىندىك جوق. س.جۇمانعارين «S-اgro-Borovskoe» جشس يەسىنە اتالعان جوبانى كەڭەيتۋدى ۇسىندى. ەكسپورتقا جىلقى ەتىن وتكىزۋ نارىعى كەنجەلەپ تۇرعانى بەلگىلى. الايدا قۇرعاق بيە ءسۇتى نەگىزىندە ءونىم ءوندىرۋ ەلىمىزدە جىلقى شارۋاشىلىعىن ودان ءارى دامىتۋعا جول اشادى. ۆيتسە-پرەمەر ساۋدا جانە ينتەگراتسيا مينيسترلىگىنە جاڭا ءونىمدى قىتاي نارىعىنا شىعارۋعا جاردەمدەسۋدى تاپسىردى.

مەڭدىقارا اۋدانىنىڭ ەگىس ال­قابىندا ۆيتسە-پرەمەر سەرىك جۇمانعارين قوستاناي وبلى­سىنىڭ فەرمەرلەرىمەن كەزدەستى.

ء«بىز فەرمەرلەردى قولداۋ كولە­مىن بىرتىندەپ ارتتىرىپ جا­تىر­مىز. اتاپ ايتقاندا, كوك­تەمگى-كۇزگى دالا جۇمىستارىنا جەڭىل­دىگى بار قارجىلاندىرۋ كولە­مىن 700 ملرد تەڭگەگە دەيىن ۇل­عايتا­مىز, ونىڭ شاما­مەن 40%-ى «دامۋ» قورى ارقى­لى كەپىل­دەندىرىلەدى. اۋىل شارۋا­شى­لىعى تەحنيكاسىن ليزينگكە كرە­ديت­تەۋ كولەمى 100 ملرد تەڭگە­دەن 200 ملرد تەڭگەگە دەيىن وسەدى. ناتيجەسىن­دە, جىل سايىن­عى جۇمىستار­دى قامتاماسىز ەتۋ ءۇشىن فەرمەرلەر­دى قولداۋ سوماسى 900 ملرد تەڭگەگە دەيىن ۇلعايادى. بيىل ءبىز 2025 جىلعى كوكتەمگى ەگىس جۇمىستارىن قارجىلاندىرۋدى باستايمىز», دەدى س.جۇمانعارين فەرمەرلەرگە.

ۆيتسە-پرەمەر قىزمەتىمەن تانىسقان تاعى ءبىر نىسان قوستاناي­لىق جىلقى تۇقىمىن وسىرۋمەن اينالىساتىن «قازاق تۇلپارى» جشس بولدى. قازاقى جىلقى تۇقىمىن ساقتاپ, ناسيحاتتاۋدىڭ ماڭىزىن نازارعا الا وتىرىپ, ۆيتسە-پرەمەر اۋىل شارۋاشىلىعى مينيسترلىگىنە ەلىمىزدە قۇرىلىپ جاتقان جىلقى شارۋاشىلىعى ينستيتۋتىنىڭ بازاسىندا جەكە قاراجات ەسەبىنەن جىلقى زاۋىتىن جاڭعىرتۋ باعدارلاماسىن دايىنداۋدى تاپسىردى.

قوستاناي وبلىسى