پرەزيدەنت جوعارى سوت كەڭەسىنىڭ توراعاسى دميتري مالاحوۆتى قابىلدادى. كەزدەسۋدە جوعارى سوت كەڭەسىنىڭ قىزمەتىن ودان ءارى جەتىلدىرۋ ماسەلەلەرى, اتاپ ايتقاندا سوت كورپۋسىن نىعايتۋعا جانە جاڭارتۋعا, سوت تورەلىگى اكادەمياسىن دامىتۋعا, سونداي-اق سۋديالاردىڭ تارتىپتىك جاۋاپكەرشىلىگىن كۇشەيتۋگە باعىتتالعان شارالار تالقىلاندى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
دميتري مالاحوۆ سوت كەڭەسىنىڭ ءرولى كۇشەيىپ, سۋديالارعا قاتىستى كادرلىق ماسەلەنىڭ بارلىعى قۇزىرەتىنە وتكەندىكتەن, بيزنەس-پروتسەستەر مەن كونكۋرستىق ىرىكتەۋلەردى تسيفرلاندىرۋ ماسەلەسى كۇن تارتىبىندە تۇرعانىن جەتكىزدى.
پرەزيدەنتكە كاسساتسيالىق سوتتار كەلەسى جىلدىڭ 1 شىلدەسىنەن جۇمىسىن باستايتىنى تۋرالى باياندالدى. وعان دەيىن كەڭەس سۋديالاردى ىرىكتەپ, سوت قۇرامىن جاساقتايدى.
كەزدەسۋ سوڭىندا مەملەكەت باسشىسى بىرقاتار ناقتى مىندەت جۇكتەدى.