سىرقاتى اۋىر بالالارعا قامقورلىق

دەنساۋلىق ساقتاۋ ءمي­نيسترى­نىڭ بۇيرىعىمەن بەكىتىلگەن قۇجات ون­كو­­­لوگيالىق جانە گەماتو­لو­گيا­­­لىق اۋرۋلارى بار بالالاردى دياگنوستيكالاۋ مەن ەمدەۋدىڭ ساپاسىن جەتىلدىرەدى. ياعني بۇل باس­تاما مەديتسينالىق كومەكتىڭ بار­لىق دەڭگەيىن, باستاۋىشتان ما­مانداندىرىلعان مەديتسينا­لىق كومەككە دەيىن جاقسارتۋعا با­عىت­تالعان. ستاتيستيكاعا ۇڭىلسەك, ەلدە ديسپانسەرلىك ەسەپتە قاتەر­لى ىسىكتەردىڭ رەميسسياسىندا 4 000-عا جۋىق بالا بار. ول ازداي, جىل سايىن ورتا ەسەپپەن 600-گە جۋىق بالادان وسى دەرتتىڭ بەلگىلەرى ­انىق­تالادى.

بالالار ونكولوگياسى مەن گەما­تولوگياسىنىڭ اۋرۋلارىن ەمدەۋدە ەرەكشە ءادىس-ءتاسىلدى قاجەت ەتەدى. ويتكەنى بالالاردا كەزدەسەتىن اۋرۋدىڭ وسى ءتۇرى قۇرىلىمى, ناتيجەلەرى جانە ەمدەۋدە ادىس­تەرى جاعىنان ەرەسەكتەردەن ەرەك­شەلەنەدى. جاڭا ستاندارت كىش­كەن­تاي پاتسيەنتتەرگە كەشەندى جانە ءتيىمدى كومەك كورسەتۋگە بارلىق تالاپ پەن ۇسىنىمدى تۇڭ­عىش رەت ءبىر قۇجاتقا بىرىكتىرىپ وتىر. ەمدەۋ­دىڭ جاڭا ءادىس-تاسىل­دەرى, ەرەجەلەرى, ءبارى-ءبارى تۇگەل قۇجاتتا بەكىتىل­گەن. ايتا كەتۋ كەرەك, بۇرىن-سوڭدى ەلدە ونكولو­گيا­لىق, گەماتولوگيا­لىق اۋرۋ­لارى بار بالالاردى دياگ­نوس­تيكالاۋ مەن ەمدەۋدىڭ قاعيدا­لارى توپتاستىرىلعان ءدال وسىن­داي قۇجات بولماعان.

بەكىتىلگەن ستاندارتتار يم­مۋ­­نو-گيستوحيميا جانە يممۋ­نوفەنوتيپتەۋ سەكىلدى دياگ­نوس­تيكانىڭ وزىق ادىستەرىن, سونداي-اق جوعارى دوزالى حيميوتەراپيانى, اعزا­نى ساقتايتىن وپەراتسيالاردى جانە گەموپوەزدىك ءدىڭ جاسۋشالا­رىن ترانسپلانتتاۋدىڭ بارلىق ءتۇر­ىن قولدانۋدى كوزدەيدى. بۇل اۋرۋلار­­دى مەيلىنشە جىلدام ءارى ءدال انىق­تاۋ­عا جانە ءتيىم­دى ەمدەۋگە مۇمكىن­دىك بەرەدى. بالا­لاردى دياگنوستيكا­لاۋ جانە ەمدەۋ ونكولوگ ماماندار­دىڭ, حيرۋرگ­تەر­دىڭ, رەانيماتولوگتەر­­­دىڭ جانە باسقا دا دارىگەرلەردىڭ مۋل­تي­ديس­تسيپلينالىق كوماندا­نىڭ قاتى­سۋىمەن كوپبەيىندى بالالار ستاتسيو­نارلارىندا ىسكە اسىرىلاتىن مىن­دەتتى كوپ دەڭگەيلى ءتاسىل دە العاش رەت ەنگىزىلدى. وسىلايشا, ءاربىر بالاعا ءبىر باعىتتا عانا ەمەس, جان-جاقتى مەديتسينالىق كومەك كورسەتىلەدى.

جاڭا ستاندارتپەن بالالار ەمدە­لەتىن مەديتسينالىق ۇيىم­داردى جاراقتاندىرۋ جو­نىن­دە دە ناقتى تالاپتار بەل­گىلەنگەن. ونكولوگيا­لىق جانە گەماتو­لو­گيالىق كومەكتى ۇي­لەسىمدى ۇيىم­داستىرۋ ءۇشىن اۋەلى مەديتسينا­لىق ۇيىمداردىڭ كەرەك-جاراعى تۇگەل بولۋعا ءتيىس. ءبىردى-ەكى­لى كەم­شى­لىكتەر دارىگەرلەرگە قول­باي­لاۋ بولماۋى قاجەت. سوندا عانا ونكو­لوگيالىق جانە گەماتولو­گيا­­لىق اۋرۋعا شالدىققان بالالار­دى ەمدەۋ بويىنشا بەكىتىل­گەن تالاپ­تار ورىندالىپ, ەمدەۋ ساپاسى جوعارىلايدى. وسىعان قوسا, قۇ­­جات­تا ناۋقاستاردىڭ اۋرۋحانادا بولۋ مەرزىمىن قىسقارتۋ جانە بالا­لار­­­دى ۇيگە جاقىن مەدي­تسي­نالىق ۇيىم­­دا ەمدەۋ مۇم­كىن­دىگى قاراستىرىل­عان. بۇل تالاپ سىر­قاتتانعان بالا­لار­دىڭ وتبا­سىنا جۇكتەمەنى ازاي­تۋ ماق­ساتىندا قابىلدانىپ وتىر. ءبىر سوز­بەن ايت­قاندا, جاڭا ستاندارتتار بالا­لار ونكولوگياسى مەن گەما­تولوگياسى باعىتىندا وتان­­دىق مەدي­تسينانىڭ الەۋەتىن نى­­عا­ي­تۋعا مۇمكىندىك بەرەدى, ەم­شا­را­لار­دىڭ تيىمدىلىگىن ارتتىرۋعا سەپتەسەدى.