استانا قالاسىنىڭ اكىمى جەڭىس قاسىمبەك پاراليمپيادا ويىندارىنىڭ جەڭىمپازى اقمارال ناۋاتبەك جانە كۇمىس جۇلدە يەگەرى ەرعالي شامەيمەن كەزدەستى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
قالا اكىمى پارا دزيۋدودان پاراليمپيادا التىنىن جەڭىپ العان اقمارال ناۋاتبەكتىڭ جەڭىسى العاشقى قازاق سپورتشىسى رەتىندە ەل تاريحىنا ەنگەنىن اتاپ ءوتتى.
اقمارال ناۋاتبەككە 3 بولمەلى پاتەردىڭ سەرتيفيكاتى جانە 30 ملن تەڭگە اقشالاي سىياقى, ال ونىڭ جاتتىقتىرۋشىسى ايدىن اناپينگە 10 ملن تەڭگە تابىس ەتىلگەن.
ەرعالي شامەيگە 2 بولمەلى پاتەردىڭ سەرتيفيكاتى مەن 25 ملن تەڭگە اقشالاي سىياقى, ال ونىڭ جاتتىقتىرۋشىسى داۋرەن ورازوۆقا 7 ملن تەڭگە تارتۋ ەتىلگەن. اقشالاي سىياقى دەمەۋشىلەر تاراپىنان بەرىلگەن.
ء«بىز ءوز تاراپىمىزدان سپورتشىلارىمىزعا قولداۋ كورسەتۋدى ارى قاراي دا جالعاستىرامىز, سول سياقتى قالانىڭ سپورتتىق ينفراقۇرىلىمىن جاقسارتىپ, بۇقارالىق سپورتپەن شۇعىلدانۋ ءۇشىن, ونىڭ ىشىندە بالالار مەن جاسوسپىرىمدەرگە ارنالعان سپورت مەكتەپتەرىنە ءتيىستى جاعداي جاسايمىز», دەدى قالا اكىمى جەڭىس قاسىمبەك.