بۇل تۋرالى ايگىلى انشى Euronews تەلەارناسىنا بەرگەن سۇحباتىندا ايتقان, دەپ حابارلايدى Egemen.kz.
ول سۇحبات بارىسىندا كارەراسى, ۇلتتىق قۇندىلىقتار تۋرالى ويلارىن بولىسكەن. دومبىرانى اتاسى ۇيرەتكەنىن ەسكە الىپ, ءاربىر ناعىز قازاق مىندەتتى تۇردە دومبىرا تارتۋدى ۇيرەنۋى قاجەتتىگىن تىلگە تيەك ەتكەن.
ديماش قۇدايبەرگەن ءوزىنىڭ بەينەباياندارىندا قازاقستاننىڭ كورىكتى جەرلەرىن نەلىكتەن ءجيى تۇسىرەتىنىن دە ءتۇسىندىرىپ: «قازاق ەكەنىمدى ماقتان تۇتامىن. مىندەتىم – الەمگە ەلىمىزدىڭ مادەنيەتىن, اۋەندەرىن تانىستىرۋ. اقش جانە ەۋروپا مەن ازيا ەلدەرىندە 20-30 مىڭ ادامنىڭ الدىندا ونەر كورسەتتىم, بۇل مەنىڭ قولداۋشىلارىمنىڭ ارقاسى», دەدى.